________________
प्रस्ताव: ]
भावनायां प्रसन्नचन्द्र - कथा |
किं वा थलाई हियए एयाई समुन्नयाई तुम्हाण । ताओ निय-कर-यलेहि तं परिसंतीउ जंपति ॥ अम्ह वण-रुक्ख-फल-भक्खणेण इणमंग-मद्दवं होइ । उवचय-वसेण हियए थलाइँ थूलाइँ तह हुंति ॥ ता मुत्तुं एयमसारमासमं अम्ह-आसमं एहि । तो कुणइ सो कुमारो ताहिं समं गमण-संकेयं ॥ संठविडं तावसभंडमागओ जाव सो कहिय-ठाणे | तरु-चडिया चर- पुरिसा ता दुहुं सोमचंद-रिसिं ॥ आगच्छंतं तासि कहंति ताओ वि साव-भीयाओ । वाहागमे मिगीओ व सव्वाओ दिसोदिसं जंति ॥ ठाणं यम्मि जणए सयल-वणे ताओ सो गवेसंतो । परिभमइ जाव मुद्धो ता पेच्छइ रह गयं पुरिसं ॥ ताय ! अभिवाययामि त्ति तं पि जंपइ रिसित्ति मन्नतो । रहिणा पपिओ सो कुमार ! ते कत्थ गंतव्वं ॥ सो भाइ पोयणे आसमम्मि तत्थेव गंतुकामेण । रहिणा सो संलत्तो एहि समं चेव वच्चामो ॥ रहिणो भज्जं तायत्ति सो भगइ तीए पुच्छिओ भत्ता । को एसो उवयारो रहिणा भणियं पिए । एसो ॥ इत्थी - रहियम्मि वणे वसिओ त्ति तुमं पि मन्नए पुरिसं । किं वाहिज्जं ति इमे मिगि त्ति तुरगे य वागर ॥ वक्कल - चीरी रहिणा भणिओ एएहिं कज्जमिणमेव । रहिणो वि मोयगा से दिन्ना तो जंपए एसो ॥ दिन्नाई एरिसाई फलाई मे पोयणासम - रिसीहि । अह रहिणो संजायं चोरेणेक्केण सह जुद्धं ॥ रहिणा विणिजिओ सो दढ - प्पहारित्तरंजिओ भाइ । एत्थत्थि मज्झ अत्थो वित्थिन्नो तं तुमं गिन्ह ॥ भरिओ रहो धणेणं रहिणा सो पोयणम्मि संपत्तो । दाऊण किं पि मुलं वक्कल-चीरिं इमं भणइ ॥ इमिणा मग्गसु उडवं इह त्ति सव्वत्थ सो परिभमंतो । गणिया-गिहं गओ भणइ ताय ! अभिवादयामि तुमं ॥ महरिसि! इमिणा मुल्लेण देसु उडवं ति देमि गिव्ह इमं ।
Jain Education International
For Private & Personal Use Only
२८७
www.jainelibrary.org
