________________
प्रस्ताव: ]
भावनायां प्रसन्नचन्द्र - कथा |
रिउ-रमणि - नयण-नीर - प्पवाह-संबंध-लड- उल्लासो । छज्जइ समुज्जलो तस्स जस-भरो रायहंसो व्व ॥ देवी य धारणी से जीइ हसंतीइ ओणय-मुहीइ । दु-गुणेइ दंत-कंती थण चट्टे हार- लट्ठीओ ॥ अन्ना गवक्खे ठियस्स केसे निवस्स विवरंती । पलियं दहुं जंपइ समागओ देव! दूओ त्ति ॥ द दिसा राया जंप किं देवि ! दीसइ न दूओ । सा भइ नाह ! नाहं मणुस्स दूयं तुह कहेमि ॥ नवरं पलियं हूण धम्म-दूओ मए समक्खाओ । देवीइ दसिय पलियमिंदु-किरणुज्जलं रन्नो ॥ तं
दहूण नरिंदो हिम-संगम-दड्डू-कमल-सम-वयणो । झत्ति तरंगिय - नयणो संजाओ बाह-सलिलेण ॥ तं फुसमाणा चेलंचणेण हसिऊण जंपए देवी । जइ लज्जसे जराए तो पडहं देव ! दावेमि ॥ बुड्ढो त्ति जो भणिसह देवं तस्संग-निग्गहं काहं । राया जंपइ सुंदरि ! जुत्तमिणं निव्विवेयाणं ॥ जम्हा जयम्मि जीवा मूढा बुडत्तणेण लजंता । पुण वि तरुणत्त - लुडा खिज्जंति रसायण - निमित्तं ॥ वलि - पलिय-नास-हेडं कुणंति तणु-मद्दणोसहाईणि । चकम्मति सलीलं पुरओ तरुणीण तरुण व्व ॥ पुट्ठा परेण बहुयं पि बिंति ते थेवमत्तणो जम्मं । गय- जुव्वणा विमूढा कुणंति ही जुव्वण- वियारो ॥ देवि ! मह पुव्व-पुरिसा अ-दिट्ठ-पलिया पलित्त-पूलं व । रज्जमिणं परिचइवं पर- लोय-समुज्जया जाया ॥ जं पुण एयाण कर्म विलंघिडं रज्जमेत्तियं कालं । विहियं मए महंतं तं जाओ मह मणे मन्नू ता वज्जिऊण रज्जं वण-वास वयं अहं पवज्जिस्सं । पुत्तं पसन्नचंदं बालं परिपालसु तुमं ॥ देवी जंपइ पच्छा न अच्छिउं उच्छहे विणा तुमए । मेह-रहियंमि गयणे कयावि किं फुरइ विज्जलिया ॥
11
Jain Education International
For Private & Personal Use Only
२८५
www.jainelibrary.org
