________________
प्रस्ताव:
]
लब्धिप्रकट विष्णुकुमार- कथा |
जेणम्हे गिण्हामो दिक्खं कम्मुक्खणण दक्खं ॥ सो भइ ताय ! रज्जे विण्हुकुमारं ठवेसु मह जेहं । पत्ति व्व विहिय भत्ती तस्साहं होमि जुवराओ || भइ निवो एस मए बहुपि भणिओ न गिव्हए रज्जं । किंतु विससु विहो मए समं संजमं काही || तो कय-मोणो पउमो रज्जे चक्कित्तणे य अहिसित्तो । पउमुत्तरेण गहिया विण्हुकुमारेण सह दिक्खा || जणणि- कराविय रहजत्तं काऊण चक्किणा नयरे । जिणसासणस्स जणिया समुन्नई निय- कुलस्सेव ॥ नगरागर - गामाइसु कारविया तेण जिण-गिहा गरुया । जिणधम्म- कप्पतरु - अंकुर व्व सव्वत्थ छज्जंति ॥ निविय अट्ठ - कम्मो कमेण परमुत्तरो गओ सिद्धिं । जाओ तव-बणं विण्हुकुमारस्स लद्वीओ ॥ मेरु व्व होइ तुंगो सुरो व्व रुवाई कुणइ विविहाई । गरुडो व्व भ्रमइ गयणे जाओ सोणेग-सत्ति- जुओ ॥ अन्न समयंमि हत्थिणपुरंमि चंदो व्व तारया वरिओ । सो मुणि अलंकिओ कुणइ पाउस सुव्वयायरिओ ॥ तं जाणिऊण नमुई सुमरंतो पुव्व - वेर - संबंधं । विन्नवइ महापमं देसु वरं मज्झ पडिवन्नं ॥ वज्जरइ महापउमो जंपसु किं देमि ? जंपए नमुई । ताव मह देहि रज्जं करेभि पहु ! जाव जन्नमहं ॥ ततो सच्चपइन्नो राया नमुइस्स अप्पए रज्जं । अंतेउर- मज्झ-गओ सयं तु चिट्ठइ निरारंभो ॥ पुर-बाहिं गंतुं होइ दिक्खिओ जन्न-वाडए नमुई । पत्ता नायरया लिंगिणो य वद्धावया तस्स ॥ किं तु न समागया सेय- भिखुणो तं छलं इमो लहिउं । गंतूण कोव - विवसो सुव्वय-सूरिं भणइ एवं ॥ जो होइ जया राया दंसणिणो तं तथा निसेवंति । राय - विरुद्ध ठिईणं धम्मो वि न निव्वहह पायं ॥ तुम्हे पुण मं निंदह अहिणंदह न उण दंसणेणावि ।
Jain Education International
For Private & Personal Use Only
२८१
www.jainelibrary.org
