________________
२८०
कुमारपालप्रतिबोधे
[तृतीयः अन्न-निवइ-प्पहाणं हि आगयं आयरंति निवा ॥ एत्तो य महापउमस्स मंडलं मंडलो व्व लद्धछलो। सिंहबलो नाम निवो दुग्गस्स बलेण विद्दवई ॥ नमुई भणइ कुमारो सिंहबलो निग्गहिजए जेण । सो किं अत्थि उवाओ नमुई जंपइ किमन्नेण ॥ पहु ! देसु ममाएसं जेण उवायं फलेण दंसेमि । पायडिउं पुण वयणेहिं तं किलीवा वि सकंति ॥ इय सोउं तुट्टेणं कुमरेण विसजिओ गओ नमुई। दलिउं दुग्गं सीहो मयं व घेत्तूण सीहबलं ॥ पत्तो कुमार-पासे तुटेण अणेण जंपिओ नमुई। मग्ग वरं, सो जंपइ समयम्मि वरं गहिस्सामि ॥ अह जालादेवीए अरहंत-रहो कराविओ पवरो। तह तीइ सवत्तीए लच्छीदेवीइ बंभ-रहो ॥ लच्छीइ निवो भणिओ बंभ-रहो भमउ पुरवरे पढमं । पच्छा अरहंत-रहो, तो जाला जंपए एवं ॥ जइ बंभ-रहो भमिही इह पुव्वं मज्झ अणसणं तत्तो। तत्तो रहाण रन्ना दुण्हंपि निवारिया जत्ता ॥ तो जणणि-दुक्ख-दूमिअ-मणो निसाए अलक्विओ कहवि । नगराउ महापउभो खग्ग-सहाओ विणिक्खंतो॥ परिणीय-राय-कन्नो कयारिविजओ चिरं महिं भमिउं । उप्पन्न-चक्क-रयणो पुणो वि हथिण पुरं पत्तो ॥ अह तत्थ समोसरिओ नयरुजाणंमि सुव्वयायरिओ। तस्स नमसण-हेउं पत्तो पउमुत्तरो राया ॥ 'धम्मं सोऊण निवो भव-निविन्नो गुरुं भणइ एवं । काऊण रज-सुत्थं तुह पासे पव्वइस्सामि ॥ गंतृण गिहे राया विण्हुकुमारं पडुच्च वजरइ । रजमिणं गिण्ह तुमं अहं तु दिक्खं गहिस्सामि ॥ जंपइ विण्हुकुमारो जलण-पलीविय-पलाल-पूलं व । मुत्तूण रजमेयं चारित्तमहं पि गेण्हिस्सं॥ तो भणइ महापउमं राया पडिवज वच्छ ! रज्जमिणं ।
Jain Education International
For Private & Personal Use Only
www.jainelibrary.org
