________________
२७९
प्रस्तावः ]
लब्धिप्रकटने विष्णुकुमार-कथा । ताहं कहेमि तं तुह भणइ निवो धुवमहं गमिस्सामि । भणइ अमच्चो तुम्हेहिं तत्थ मोणेण ठायव्वं ॥ जेण जिणिऊण वाए करेमि तेऽहं निरुत्तरे झत्ति । तो गुरु-पासंमि गओ राया नमुई पुर-जणो य ॥ पुच्छंति गुरु-समीवे ते वि असंबद्ध-भासिणो धम्म । ताण सरूवं मुणिउं तुण्हिक्को चिट्टए सूरी ॥ नमुई जंपइ सूरिं पडुच्च किं एस जाणइ बइल्लो । एक्केण चेल्लएणं भणियं चिटुंतु मह गुरुणो॥ दाहामि उत्तरं ते अहं पि जंपसु तुहत्थि जइ दुप्पो । अह कुविय-मणो मंती जंपइ परुलेहिं वयणेहिं ॥ पासंडिणो असुइणो निच्चं सुइ-सत्थ-बाहिर! तुम्हे । ता नरवइस्स निय-मंडलाओ निव्वासिउं जुत्ता ॥ तो चिल्लएण भणियं जे मेहुण-सेविणो असुइणो ते। न उण मुणिणो इमे जेण बंभयारी सुई निचं ॥ पासंडिणो य सुय-वाहिरा य भण्णंति ते मेहुणासत्ता। बंभवयं तु वहंता मुणिणो कह तारिसा हुंति ॥ तद्यथाकंडनी पेषणी चुल्ली जलकुम्भी प्रमार्जनी। पञ्च सूना गृहस्थस्य तेन स्वर्ग न गच्छति ॥ सेवंति जे इमाओ सूणाओ पंच ते तई बज्झा । तव्विरया उण मुणिणो कहं तई बाहिरा हुंति ॥ इय खुल्लगेण विहिओ निरुत्तरो कोवमुवगओ मंती । सिरिधम्मनिवो नायर-जणो य निय-मंदिरे पत्तो ॥ रयणीइ मुणि-वहत्थं किवाण-हत्थो वणं गओ नमुई। गारुडिएणं भुयगो व्व थंभिओ सासण-सुगए । पच्चूसे तं दटुं तहट्टियं विम्हिओ महीनाहो । नयर-जणो य अणेगो गिण्हइ जिण-भासियं धम्मं ॥ नमुई तहावमाणाओ निग्गओ हत्थिणारं पत्तो। माणीण विदेसो चिय ठाणं अवमाणियाण जओ ॥ जुवराय-महापउमो नमुई निय-मंतिणं कुणइ तत्थ ।
Jain Education International
For Private & Personal Use Only
www.jainelibrary.org
