________________
२७५
प्रस्तावः ]
तपसि धर्मयशो-धर्मघोष-कथा। जीवाण होइ न खओ इमाण बंधूण जुद्धेण ॥ ताव निवारेमि इमे तत्तो जंपइ मणिप्पभं अजा । वच्छ ! ममेगं तं देहि जेण जंपेमि किं पि हियं ॥ तंमि विइन्ने रन्ना रायाणं भणइ धारिणी अजा। किं निय-सहोयरेणं समं तुमं कुणसि संगामं ॥ रन्ना भणियं-भयवइ ! कहं असचं तुम इमं भणसि । तो धारिणीइ कहिओ सव्वो वि हु नियय-वुत्तंतो॥ भणियं च जइ न पत्तियसि वच्छ ! पुच्छसु तुमं नियय-जणणिं । तह पेच्छ रट्टवद्धण-नामंकं कड्डिउं मुहं ।। राया तहेव काउं गय-संको भणइ जइ वि सच्चमिणं । तह वि हु नियत्तमाणो अजे ! लज्जामि अहमिहि ॥ तो अजाए भणियं चिट्ठ खणं जाव उवसमावेमि । तुह भायरं पि तत्तो पत्ता अन्जा दुइय-कडगं ॥ सा जंपइ पडिहारं कारावसु राय-दसणं मज्झ । सो कहइ इमं रन्नो, राया जंपइ पवेसेसु॥ तेण वि पवेसिया सा निवेसिया आसणे नरिंदेण । दतॄण परियणो तं चिंतिउमेवं समाढत्तो॥ अजा एसा दीसइ अम्हाणं सामिणीइ सरिसि त्ति । सम्म निरूवमाणो मुणइ धुवं धारिणी एसा ॥ तो पणमिऊण अज्जं रोयंतो परियणो कहइ रन्नो। अह जणणी खलु एसा, रुयमाणो नमइ तं राया ॥ पच्छा निय-वुत्तंतं कहेइ सा जंपए पुणो वि इमं । भाया तुहेस राया ता विरमसु वच्छ ! जुज्झाओ॥ इय धारिणि-अजाए सहोयरा दो वि उवसमं नीया । ते परिओस-वसेणं मिलिया वियसंत-मुह-कमला ॥ उल्लसिय-सिणेहाणं दुण्ह वि बंधूण संगमे तेसिं।
तं किं पि सुहं जायं तहलुक संकडं जस्स ॥ यत:
पादा हिमांशोललितं वधूनां
गन्धः स्रजां भ्रातृसमागमश्च ।
Jain Education International
For Private & Personal Use Only
www.jainelibrary.org
