________________
प्रस्ताव: ]
तपसि धर्म्मयशोधर्मघोष - कथा |
२७१
वय - विग्धो मा होउ त्ति न मए अक्खाओ । सावय-घरे पच्छन्ना ठिया सा । कमेण पसूया सव्व - लक्खणालंकियं दारयं । साहु साहुणीणं किलेसो मा होउ त्ति चिंतंतीए रट्ठवण - नामंक मुद्दिया-सणाहो मुक्को सो नरिंद-भवणंगणे । अवक्कंता साहुणी । मणि-प्पभा समुज्जोइय-गयणंगणो सो उवरितलारूढेन दिट्ठो रन्ना । वेत्तूण दिन्नो लीलावईए । भणिया सा-एस ते अपुत्ताए पुत्तो ति । पच्छन्न- गन्भा देवी पस्सूय त्ति कथं रन्ना वद्धावणयं ।
जओ
संगामे गय- दुग्गमे हुयवहे जालावली - संकुले कतारे करि-वग्घ-सीह - विसमे सेले बहुवद्दवे । अंभोहिंमि समुल्लसंत-लहरी लंघिजमाणं वरे सव्वो पुव्व भवज्जिएहिं पुरिसो पुन्नेहिं पालिज्जए ॥
साहुणिहिं पुच्छिया सा- कत्थ एगागिणी गयासि ? तीए वृत्तं --वावन्नं डिंभ-रूवं जायं । तस्स परिवणत्थं । सो पंच धाइ - परिगओ वड्ढि - माढतो । कयं मणिपभो त्ति से नामं । साहुणी वि देवीए सह संगयं काऊण दारयमभिनंदेइ । कय- कला - गहणो मणिप्पभो पत्तो जुव्वणं । मरण-पज्जच्वसाणयाए सव्व - जीवाणं ति पंचत्तं पत्ते अजियसेणे सव्व-गुणागरो ति अहिसित्तो रजे मणिप्पभो मंति- सामंतेहिं ।
जओ
न दत्वा नार्थितामेति नवाम्भोभिर्न पूर्यते । आत्मा तु पात्रतां नेयः पात्रमायान्ति सम्पदः ॥ सो परक्कमकंत - विक्कत - वेरि-चक्को पालए रज्जं ।
अत्थि तहिं विणयवई -पवत्तिणीए य सीसिणी-पवरा । विगय भयासा भत्तं पच्चक्खइ भव-भव्विग्गा ॥ संघेण गरुय भत्तीइ पूइया अणसणे ठिया जाव । पच्छा विच्छड्डेण महया सक्कारिया अज्जा ॥ धम्मवसु-सूरि-सीसा आसि दुवे धम्मघोस - धम्मजसा । ते वि पयट्टा काउं सरीर-परिकम्मणं एवं ॥ चत्तारि विचित्ताई विगई निज्जूहियाई चत्तारि । संवच्छरे य दोनिओ एगंतरियं च आयामं ॥ नाइ विगिट्ठो य तवो छम्मासे परिमियं च आयामं ।
Jain Education International
For Private & Personal Use Only
www.jainelibrary.org
