________________
२७२
[तृतीयः
कुमारपालप्रतिबोधे अन्ने वि य छम्मासे होइ विगिटुं तवो कम्मं ॥ वासं कोडी सहियं आयामं काउ आणुपुव्वीए । गिरि-कंदरं तु गंतुं पायवगमणं अह करेज ॥ अह धारिणिं अद8 चिंतेइ अवंतिवद्धणो एवं । हा! विसय-पर-वसेणं मए महंतं कयमकजं ॥ जं निहओ निय-भाया सा वि कलत्तं न मज्झ संपन्ना । तो भक्खिए विकाए नाहं अजरामरो जाओ। इय पच्छायाव-परो संविग्गो धारिणीइ पुत्तस्स । रजं अवंतिसेणस्स वियरित्रं गिण्हए दिक्खं ॥ सव्वे वि निवा उचियं कुणंति पूयं अवंतिसेणस्स । किं तु मणिप्पभ-राओ कमागयं पेसइ न दंडं ॥ दंडस्स मग्गणत्थं पट्टवइ मणिप्पभस्स सो दूयं । गंतृण कय-जहोचिय-कायव्वो सो भणइ एवं ॥ आइसइ महाराओ अवंतिसेणो मणिप्पभ-नरिंद !। दाउं कमागयं मज्झ दंडमणुहवसु रज्ज-मुहं ॥ तं वयणमसुय-पुव्वं सोऊं पसरंत-रोस-रत्तच्छो । भणइ नरिंदो रे! रे! जीहं छिंदेह दूयस्स ॥ जं देवो आणवइ त्ति जंपिउं गहिय-पहरणे पुरिसे । दटुं उवट्ठिए धिट्टयाइ दूएण पढियमिणं ॥ राजन् ! वाक्यं परस्येदं वयं वाङ्मानहारिणः । त्वं चान्ये च महीपालाः सर्वे दूतमुखा यतः ॥ निपतत्स्वपि शस्त्रेषु सम्प्रवृत्ते महाहवे । दूतानां प्रेषणं युक्तमवध्यत्वं च नीतिषु ॥ तो मुणिय-नीइ-सत्थेण तेण रन्ना विसजिओ दूओ। आगंतुं सो अक्खइ वुत्तंतमवंतिसेणस्स ॥ सो चउरंग-चमू-भर-चूरिय-फणिराय-फण-रयण-चक्को । गहिऊण भूरि कोसं कोसंवि-पुरीइ संचलिओ॥ अह धम्मघोस-मुणिणा कय-पडिकम्मेण चिंतियं एवं । इह जह विगय-भयाए पूया संघाउ संपत्ता ॥ अहमवि तहा लहिस्सं तो पुव्वं तत्थ अणसणं विहिउं ।
Jain Education International
For Private & Personal Use Only
www.jainelibrary.org
