________________
२६९
प्रस्तावः ]
तपसि धर्मयशो-धर्मघोष-कथा। जुवराय-पए तह रट्टवद्धणो ठाविओ कणिटो त्ति । संविग्ग-मणेणं पालगेण गहिया सयं दिक्खा ॥ आसि जलरासि-धूया मणोहरा रवद्धणस्स पिया। निम्मल-सील-गुणाभरण-धारिणी धारिणी नाम | तीए य अत्थि पुत्तो गुणोह-जुत्तो अवंतिसेणो त्ति । गम्भंमि समुप्पन्नो बीओ पुत्तो तहा तीए ॥ तइया वसंत-समओ वियंभिओ कामिणी-विलासमओ। पयडिय-कंदप्प-मओ उज्जीविय-जण-मण-प्पमओ ॥ तत्थ वसंते कीलंतमुववणे अवंतिवडणो राया। दहण धारिणिं मयण-परवसो चिंतए एवं ॥ चंदो इमीइ मुह-पंकएण विजिओ समुद्द-सलिलम्मि । मज्जइ निचं पि कलंक-पंक-पक्खालणत्थं व ॥ एईए बालाए लोयण-लायन्न-लाह-लुद्धाइं। मुद्धा मय-कुलाई वण-वास-वयं व सेवंति ॥ एईइ अहर-हरियारुणिम-मरहाई लज्जमाणाई। बिंब-फलाई उब्बंधण व वल्लीसु विरयति॥
ता जइ इमीए सह विसय-सुहं सेवेमि ता अत्तणो जीवियं सहलं मन्नेमि । तओ सो इमीए कुसुम-तंबोल-विलेवणाईणि पेसि पयहो । सा वि गुरु त्ति तं पइ निव्वियारा सव्वं गिण्हइ । अन्नया अविभाविऊण उभय-लोगभयं भणिया रन्ना-सुंदरि ! ममं पडिवजसु । तीए वृत्तं-महाराय ! जो मे भत्तुणा तुमं पडिवन्नो सो मए पुव्वं पडिवन्नो । रन्ना वुत्तं-मणुस्स-भावेण मं पडिवजसु । तीए वुत्तं-अणेय-समर-निव्वूढ-साहसं तुमं मणुस्सं को न पडिवजह ? रन्ना वुत्तं-ममं पई पडिवजसु । तीए वुत्तं-जो तुमं सयलपुहवीए पई सो ममावि पई चेव । रन्ना वुत्तं-कमलच्छि ! अलं परिहासेण, मयण-जलण-जाला-पलित्तं ममं नियग-संगमामय-रसेण निव्ववेऊण रज्ज-सामिणी होसु । तीए वुत्तं देव ! मा एवमाणवेसु गरुओ तुमं । मेढिभूओ भुवणस्स । समुद्दो व्व मा विलंघेसु मज्जायं, विलंघिय-मज्जाए तुमंमि समुद्दे य जायए जग-प्पलओ। तुह भएणं च नाएणं च वहए लोओ। यत:
इदं प्रकृत्या विषयैर्वशीकृतं
परस्परस्त्रीधनलोलुपं जगत् ।
Jain Education International
For Private & Personal Use Only
www.jainelibrary.org
