Page Text
________________
प्रस्तावः ]
तपसि प्रद्युम्न - शंब-कथा |
२६७
सिग्घमागओ सि एत्थ त्ति । गया निय-गेहं । कण्हो वि तीए अणुणयत्थं गओ तत्थ । इओ य पज्जुन्नो रह-रयणे रुप्पिणि ठाविऊण संखं आऊरंतो निग्गओ नयरी - मज्झेण । जंपेइ पउर-जणं कहेह कण्हस्स जहा रुप्पिणी केणावि भडेण निज्जइ । जइ सामत्थमत्थि ता निवारेसु । तं सोऊण जाय- कोवा जायवा करि-त - तुरय-रह- समूहमा रुहिऊण धाविया तस्स पिटुओ । ते वि चंड-भुय-दंडकुंडलिय- कोदंड - चंड-मुक्क- नाराय-नियर-निरुड-नह - मंडला वलिऊण निज्जिया पज्जुन्नेण । तओ आगओ गय-संख-चक्क - करवाल - करो रहारूढो कण्हो । सो वि गोरी - पन्नत्ति - विज्जा - बलेण कओ कुमारेण परंमुहो । जाओ विलक्ख-वयणो चिताउरो भणिओ नारएण - नारायण ! एस ते पुत्तो रुप्पिणी- गन्भ-संभवो पज्जुन्नो । हरिस-वस-विसद्वंत-वयणेण कण्हेण आलिंगिऊण महूसवेणं पवेसिओ पुरिं । परिणाविओ नरिंद-खयरिंद-सुंदरीहिं गरुप-गुण-रंजिएहिं राम- कण्हेहिं । कओ सो रज्ज - चिंतगो । एत्थंतरे दुज्जोहण-पेसिएहिं पुरिसेहिं विन्नत्तो कहो, जहा – तुज्झ सुण्हा मह धुया भाणु-विवाह - जुग्गा अवहरिया सा केणावि । तो तं गवेसेसु । कण्हेण भणियं - किमहं सवन्नू जेण तं जाणामि । जइ जाणतो अहं ता किं न जाणिओ मए रुपिणी- पुत्तो पज्जुन्नो । पज्जुन्नेण वृत्तं - देव ! देसु मे आएसं तेण तं आणेमि । कण्हेण वृत्तो सो— एवं करेसु त्ति । तओ आणीया सा । तेणेव अवहरिया आसि, तं गरुय-विभूईए विवा - हिओ भाणु-कुमारो | अन्नया पज्जुन्न- कुमार- चरियाई कयच्छरियाई सोऊण सच्चभामा भणइ कण्हं - तहा करेसु, जहा ममावि जायए एरिसो पुत्तो । कण्हेण जंपियं - पिए! पुन्नेहिं एवं होइ । पुणरुत्तं सच्चाए वुच्चंतो पुव्व परिचियं देवं सुमरंतो एगंते चिट्ठइ कय-पोसहो कन्हो ।
तइय- दिणे पच्चक्खीहूओ देवो तमुल्लवइ कण्हो । मह देसु पुत्तमन्नं पज्जुन्न- कुमार - सारिच्छं |
भइ सुरो— तुह होही सुओ सुयं जीइ वच्छसे तीए । अप्पस इमं ति भणिऊण देइ हारं स कण्हस्स ॥ तत्तो तिरोहिओ सो इमं च विज्जा- पभावओ मुणिउं । पज्जुन्नो निय-जणणि भणइ सुओ होउ तुह बीओ ॥ सा भइ मज्झ बीओ पसवो नत्थि न्ति नाणिणा कहियं । ता मज्झ वल्लहाए जंबवईए सुयं देसु || एवं ति भणइ कुमरो पत्ता इत्यंतरंमि सा तत्थ ।
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |