________________
२६६
कुमारपालप्रतिबोधे
[ तृतीयः बारवई नाम पुरी जुग्गा कण्हस्स तुह पिउणो ॥ भणियं अणेण-कस्स वि इहागओहं न साहियव्वो त्ति। कय-बाल-साहु-वेसो जणणी-गेहं गओ एसो ॥ सो जंपइ सोलस-वच्छराई उववासिओ अहं थक्को । संपइ पारणय-कए तुह गेहं साविए ! पत्तो ।। सा भणइ तवो कम्मं सुव्वइ वरिस-प्पमाणमुकिहें । जं पुण इत्तियं कालं कहसि तुमं तं कहं घडइ ॥ जंपइ पज्जुन्न-मुणी वरिसाणं सोलसण्ह-मज्झमि । जणणीए थण-छीरं पि साविए ! न हु मए पीयं ॥ जइ तुज्झ अस्थि दिच्छा देसु तओ अह व नत्थि तो जामि । तो भणइ रुप्पिणी तं तुह अत्थो वत्थुणा केण ॥ सो जंपइ पेज्जाए, तो पेजा तीइ पइउमाढत्ता। तो विजाए इमिणा जलणो विज्झाविओ झत्ति ॥ तो रुप्पिणीइ भणियं-भयवं ! गिण्हाहि मोयगे पवरे । किं तु न जीरवइ इमे अन्नो एकं विणा कण्हं ॥ अक्खेइ खुड्डुओ जीरवेमि तेऽहं तव-प्पभावेण । तो खुड्यस्स पुरओ मोयग-रासी कओ तीए । पक्खिवइ खुड्डुओ रक्खसो व्व वयणंमि मोयगे सव्वे । हसिऊण भणइ देवी-तुहत्थि दिव्वा धुवं सत्ती॥ अह नारएण कहियं तुह पुत्तो एस देवि ! पजुन्नो। कुमरो वि साहु-रूवं मुत्तुं जाओ सहज-रूवो ॥ सुर-कुमरो व्व मणहरो पडिओ पाएसु निय-जणणीए ।
आलिंगिऊण गाढं सिरमि सो चुंबिओ तीए ॥ तेण भणिया जणणी न ममागमणं कस्सवि साहियव्वं, जाव मे न मिलइ पिया । इओ य सचभामाए रुप्पिणी-पासे पेसिया पुरिसा नाविएण समं केसजायणत्थं । पज्जुन्नेण विजा-बलेण नावियस्स सीसं मुंडिऊण पेसिया केसा। सच्चभामा वि स-रोसा आगया रुप्पिणी-पासं । पज्जुन्नो वि कण्ह-रूवं काऊण ठिओ तत्थ दिवो सच्चभामाए । तओ कोवेण तजंती इमो मूलमणत्थाणं जयानिग्गच्छिस्सइ तया केसे गिण्हिस्सामि त्ति भणंती निग्गया। गया-कण्हभवणं । तत्थ तं सपरियणं पेच्छिऊण भगइ-मज्झ पइन्ना-भंग काऊण
Jain Education International
For Private & Personal Use Only
www.jainelibrary.org
