Page Text
________________
कुमारपाल प्रतिबोधे
[ तृतीय:
महु- नरिंदो वि सत्तरस सागराई सुर-रिद्धिं भुत्तूण चविडं समुप्पन्नो कण्ह - पत्तीए रुपिणीए पुत्तो । धूमकेड-सुरेण भज्जा-वेरं सरिऊण अवहरिओ सो । नीओ विजयड - भूधरस्स भूरमण-वणे । छुहा - तिसा सीय- वायायवपीडिओ दुक्खेण मरउत्ति मुक्को सिलायले । गओ मुरो सहाणं । देव-वसेण विमाणारूढो निय-भज्जाए कणयमालाए समेओ कालसंवरो विज्जाहरो आगओ तं पएसं । देह - पहा - पडल- पूरिय- दियंतरं रयण- पुंजं व तं दारयं दहूण विज्जाहरो अवयरिऊण विमाणाओ पहिट्ठे-मणो वेत्तूण तं समप्पए निय-भज्जाए । तुट्ठ- चित्ताए तीए समं गओ निय-नयरं मेहकुंडं । गरुप - रिडीए कयं पज्जुन्नोति से नामं । कणय - गिरि-गुहा गओ कप्प - रुक्खो व्व वट्टए एसो । तं सोऊण हरिसिओ नारओ । नमिऊण जिणिदं गओ वेयड्डू- सेलसिहर - सेहरं मेहकुंड - नयरं । तत्थ दट्ठूण कालसंवरं वडावर पुत्त - जम्मेणं । तेणावि नेऊण भवणन्भंतरं दंसिओ पज्जुन्नो । तं रुप्पिणी-पडिम- रूवं निरूविऊण उप्पइओ नारओ | आगओ बारवईए । कहेइ कण्ह - रुप्पिणी- पमुहाण पुरओ सीमंधर - जिणोवइटुं पज्जुन्न-वृत्तंतं । तं सोऊण रुप्पिणी-पुत्त दंसणूसुया कालं गमेइ । अन्नया जाओ भाणू नाम सच्चभामाए मणाणंद-जणओ तणओ । अह मेहकुंड -नयरे पज्जुन्नो गुण-कलाव - पडिपुन्नो । उद्दाम -कामिणी-मण- विमोहणं जुव्वणं पत्तो ॥ तेलुक्के वि तमत्थि वत्थु न परं जं तस्स सव्वप्पणा
पाविज्जाखिल-लोय- लोयण - सुहा- सारस्स तुल्लत्तणं । जं पंकेरुह - कुंद-चंद - पमुहा ते तस्स तेयस्सिणो ।
इक्स वि अंगस्स पुरओ दीसंति दासा इव ॥ अह तं निसग्ग-सोहग्ग-संगयं पेच्छिऊण तज्जणणी । मयण - विवसा विलजा पज्जुन्नं जंपए एवं ॥ मह कुक्खि-भवो न तुमं किं तु अरन्नंमि सुहय ! लद्धोसि । संवडिओ पगामं गरुएहिं मणोरहेहिं मए ॥
संपइ मणोरहे मह विसय- सुहासेवणेण पूरेसु । जेण तुह देमि विज्जा-गोरी- पंनत्ति - पमुहाओ ॥ इय सोउं सो चिंतइ धिडी जणणी वि जंपए एवं ।
२६४
अहवा मयणायत्ता कज्जमकज्जं च न मुणंति ॥ विज्जाओ ताव गिण्हामि तयणु काहामि किं पि जं उचियं ।
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |