________________
प्रस्तावः] तपसि प्रद्युम्न-शंब-कथा ।
२६३ वुत्तंतं पडिबोहिओ सोवागो सुणही य। वेरग्ग-समग्गो सोवागो मास-प्पमाणं अणसणं काऊण मओ नंदीसरे देवो जाओ। सुणही वि कयाणसणा तत्थेव पुरे रन्नो धृया जाया । पुणो वि सो साहू तत्थागओ। पुच्छिओ तेहिं सुणही सोवागो य मरिऊण कत्थ गय त्ति ? । साहुणा कहियं जहावत्तं । राय-धूया पडिबोहिया तेहिं । काऊण पवजं गया सुरलोयं । ते विकाऊण निम्मलं सावगत्तं पत्ता सोहम्मे । जाया सुरिंद-सरिसा सुरा । तओ चुया हत्थिणाउरे वीरसेण-रायस्स महु-केढवाभिहाणा जाया तणया । गहिय-कला-कलावा पत्ता जुव्वणं । पर-लोय-पत्थिएण पिउणा ठविओ रजे महुकुमारो, केढवो कओजुवराओ । अन्नया निय-सेवगस्स वडउर-सामिणे कणयाभरणस्स भज्जा चंदाभा नाम अवहरिया महुणा । तीए सह विसए सेवंतो महू कालं गमेइ । वडउर-नरिंदो विचंदाभा-विरहे तरु-वक्क-निवसणो भूइ-भुर-कुंडियंगो संजाओ जडहारी। कयाइ दिट्ठो देवीए मग्गे भमंतो, दसिओ महु-नरिंदस्स । एस मज्झ पई मह विओगे परिचत्त-रज्जो एगागी एवं परिब्भमइ । तं सोऊण चिंतियं महुणा।
हा ! कुंदिंदु-समुज्जलो कलुसिओ तायस्स वंसो मए
बंधूणं मुह-पंकएसु य हहा दिन्नो मसी कुच्चओ। ही ! तेलुक्कमकित्ति-पंसु-पसरेणुडूलियं सव्वओ
घिडी ! भीम-भवुब्भवाण भवणं दुक्खाण अप्पा कओ ॥ जं विसय-परव्वस-माणसेण हरियं मए पर-कलतं । ता तिव्व-तवं काहं इमस्स पावस्स मुडिकए ॥ तो धुंधुमार-कुमरं रजे ठविऊण महु-मही-नाहो। निय-बंधु-केढवेणं समनिओ गिण्हए दिक्खं ॥ ते दो वि सयल-सुत्तत्थ-पारगा जिय-परीसह-कसाया। कुव्वंति तवं छहमाइ-छम्मास-पज्जतं ॥ बहुवास-सहस्साइं सामन्नं पालिऊण पजते । कय-पायवोव-गमणा मरि सुक्के सुरा जाया ॥ अह वडउर-नयर-निवो काउं अन्नाण-तवमपजंतं । मरिऊण समुप्पन्नो पलियाऊ जोइसेसु सुरो॥ तत्तो चविउं भमिओ भवम्मि लहिउं नरत्तणं कह वि। किंचि कय-सुकय-कम्मो जाओ सो धूमकेउ-सूरो ।
Jain Education International
For Private & Personal Use Only
www.jainelibrary.org
