Page Text
________________
२६२
कुमारपालप्रतिबोधे
[ तृतीय:
मुक्काई नाडयाई रयणीए बुद्धेण तित्ताई ताई भक्खिऊण मया कम्मवसेण । जाया इमस्स विप्परस पुत्ता । करिसगो वि कालेण मओ जाओ निय- सुहाए नंदणो । जाई सरिऊण कहं निय-तणयं जणयं सुहं वा जणणि जंपेमि ति सूयत्तणं पवतो । जइ नत्थि पच्चओ, तो सदेह तं मूयं जेण सव्वमेयं साहइ । तओ वाहराविओ मूओ भणिओ सो मुणिणा ।
राया वि होइ भिचो भिचो वि नरेसरत्तणं लहइ । माया वि होइ भज्जा भज्जा वि हु होइ मायति ॥ जणओ वि होइ तणओ तणओ वि हु एत्थ जायए जणओ । सुहावि होइ माया माया वि हु होइ सुन्ह त्ति ॥
1
ता वच्छ ! संसार - सरूवमेयं परिभाविऊण मुत्तूण लज्जं कहेसु अत्तणो पुव्व-भवं । सो वि सहरिसो लोयस्स निय- पुव्व-भवं साहइ । संविग्ग-मणो मुणि-पासे पव्वइओ पामरो । ते वि दिय-दारया सियाला बंभणा जायत्ति उवहसिया अविवेगिणा लोएण । विलक्ख-चित्ता कोवमुव्वर्हता रयणीए खग्ग-वग्ग हत्था वहत्थं साहूणं आगया उज्जाणं । थंभिया सुमणजक्खेण । पभाए दिट्ठा खीलिया लोगेण । मुणिय-वृत्तंता आगया तेसिं माया- - पियरो | अक्खियं जक्खेण मुणि-मारणुज्जुया इमे मए एवं कया । तो जड़ जिणधम्मं पडिवजंति ता मिल्लेमि, न अन्नहा । तेहिं भणियं दुक्करो साहु-धम्मो सावग-धम्मं पुण करिस्सामो । एवं करेह त्ति भणिऊण मुक्का ते जक्खेण । गहियं सावगत्तं भावओ सुएहिं साहु- समीवे, न उण जणणि जणएहिं । कालेण अग्गिनूइ-वाउभूइणो मरिऊण समुप्पन्ना सोहम्मे पंच- पलिओवमाऊ देवा । तओ चुया हत्थिणाउरे अरिहदासम्स सावयस्स पुन्नभद्द - माणिभद्द-नामाणो जाया नंदणा । जिणसासणाणुरत्ता कुणंति सावगत्तं । अन्नया महिंद चाव-चवलं जाणिऊण जीवियं महिंद-मुणिसमीवे पवन्नो अरिहदामो दिक्त्रं । तस्स सुया रहारूढा साहु- -नमणत्थं पत्थिया । पेच्छति मग्गे सुणही-सणाहं चंडालं । जाओ तेसिं तदुवरि सि
हो गया साहु- समीवे । वंदिऊण पुच्छंति साहुं - भयवं ! किं कारणं जेण अम्हाणं सुणहिं चंडालं च दट्ठूण सिणेह-निव्भरं मणं जायं । साहुणा कहियंतुभे अग्भूिइ-वाउ भूई पुव्व-भवे हुंता । तुम्ह पुण माया-पियरो अकय-धम्मा या संसारं हिंडिऊण माया सुणही जाया पिया पुण एसो सोवागो । लओ ते संजाय - जाइसरणा संसार - सरूवं सुमरंता गया गेहं । तेहिं कहिऊण
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |