Page Text
________________
प्रस्ताव : ]
तपसि प्रद्युम्न - शंब - कथा |
अगणिय-जणणि- सिणेहो पुत ! तुमं कत्थ पत्तोसि ॥ निल्लक्खणा अहं चिअ निब्भग्ग- सिरोमणी अहं चेअ । जं परिहरिऊण ममं पुत्त ! तुमं कत्थ वि गओसि ॥ हा तणय ! कणय सच्छह ! जीवंति लोयणेहिं एएहिं । किं तुज्झ वयण-कमलं कयाइ पुणरवि पलोइस्सं ॥ कहो वि जाय- सोगो विलवह सह जायवेहिं हा वच्छ ! | hora वेरिएणं एक्क-पए चेव हरिओसि ॥
हा दिव्व ! मह विलीयं किं दिहं जं तए सुय-मिसेण । आरोविऊण भवणे कप्प-तरू एस अवहरिओ ॥
एत्यंतरे गयणाओ आगओ नारओ, भणियं तेण - भो ! किमेवं सोयमुव्वहह, जओ सुरासुरेहिं पि दुरइक्कमो कम्म- परिणामो । ता अवलंबेह धीरयं, कमि तुम्ह पुत्त - पउत्तिं ति, भणिऊण पत्तो महाविदेहं । पणमिऊण सीमंधर- सामि पुच्छेइ - भयवं ! किं पुव्व भवे रुप्पिणीए कयं कम्मं जं जायमेत्तो वि अवहरिओ से पुत्तो । केण अवहरिओ, कत्थ सो, कहं वा चिह्न त्ति ? । भणियं सामिणा भद्द ! सुण - बंभणी- भवे इमीए उज्जाणाओ मोरीए रसंतीए मोरपोयगो नीओ निय- गेहं । वुद्धिं नेऊण सिक्खविओ नहं । तालाए चप्पुडि - याए य दिन्नाए नडो व्व नच्चए विविह-भंगीहिं । सा उण तस्स माया मोरी तन्नेह - मोहिया न मिलए तं पएसं । सयणेहिं भणिया बंभणी- भद्दे ! किं अणेण रुद्धेण जस्स माया मोरी सुय-विओग-दुक्खिया एवं गमइ कालं । तओ तव्वयण-जायाणुकंपाए तीए सोलसमे मासे मुक्को । तं कम्मं बारस-गुणं उन्न रुप्पिणीए । अओ सोलस- वरिस-पजंते पुत्त दंसणं होहि त्ति । जं पुण पुच्छियं hण कम्मेण अवहारिओ त्ति तं सुण- एत्थेव भारहे वासे सालि-ग्गामे मणोरमुज्जाणस्स सामी सुमणो नाम जक्खो । तत्थेव सोमदेवो नाम बंभणो आसि । तस्स भज्जा अग्गिला ताणं दुन्नि पुत्ता चउदस-विज्जा-ठाण- पारगा अग्गिभूई वायुभूई य । अन्नया बहु- साहु- सहिओ चंदो व्व तारय- परियरिओ समोस - रिओ मणोरसुजाणे नंदिवद्धणायरिओ । गओ तव्वंदणत्थं गाम- लोगो । पारडा भव- निव्वेय-जणणी गुरुणा धम्मदेसणा । निय पंडिच्च पयंड- दप्पा दो वि दिय-नंदणा उवट्टिया वाए । निज्जिया एक्केण साहुणा भणिया य-भद्दा ! किं जाइ-कुलाइ-गव्वमुव्वहह । सुणह अत्तणो पुव्व-भवं । इहेव गामे वणत्थलीए सियाला दो वि तुम्भे आसी । कयाइ करिसगेण केण वि हलोवगरणाई खेत्ते
Jain Education International
२६१
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |