________________
कुमारपालप्रतिबोधे
[तृतीयः ___अन्नया गिरिनयराओ सच्चभामाए भाया दुजोहणो तत्थागओ। सो परिहासेण भणिओ सच्चभामाए-भाय ! वेवाहिओ होसु जया मज्झ पुत्तो होइ तया तुमए तस्स निय-धूया दायव्वा । रुप्पिणीए वि सो एवं भणिओ। इत्यंतरे भिक्खत्थं तत्थागओ ओहिनाणी साहू । पवराहारेहिं पडिलाभिऊण सोरुप्पिणीए भणिओ
भयवं ! मे होही पुत्तो? सच्चाए वि पुच्छिओ एवं । होहि त्ति एग-वघणं भणिऊणं निग्गओ साहू ।
सचभामा-रुप्पिणीणं जाओ दुण्हंपि सुय-विवाओ । सच्चा भणइ मुणिणो मे अक्खिओ पुत्तो, रुप्पिणी भणइ ममं ति । सच्चाए भणियंजीए पुत्तो होही तदियरीए केसेहि पुत्त-विवाहे दम्भ-कजं कायव्वं । इत्थ सक्विणो कण्ह-बलदेव-दुजोहणा । अन्नया निसाए सारय-ससंक-सच्छहो वसहो वयणे पविसंतो सुविणे दिट्ठो रुप्पिणीए । कहिओ कण्हस्स । तेणावि हकारिऊण सम्माण-पुव्वं पुच्छिया सुविण-पाढगा-किं फलो एस सुविणो त्ति ? तेहिं कहियं-तुज्झ तुल्लो पुत्तो होही।
अह महासुकाओ चविऊण महुदेव-जीवो रुप्पिणीए गब्भे समुप्पन्नो। सा नवण्हं मासाणं साइरेगाणं निय-देह-प्पहा-पभारेण गम्भ-गिहंधयार-दारयं दारयं पसूया।
वडाविओ य कण्हो गंतुं चेडीए तुरिय-गमणाए । तीए नियंग-लग्गं दिन्नं कण्हेण आभरणं॥ कण्हो पहिह-हियओ उवविट्ठो सूइ-मंदिरे गंतुं। काउं करे कुमारं दासी दंसेइ कण्हस्स ॥ नयण-मणाणंदकरं सव्वंगं जाव तं नियइ कण्हो । ता रयणं व कुमारो हरिओ केण वि अदिट्टेण ॥ अह रुप्पिणी-कुमारावहार-गुरु-सोय-भरिय-सव्वंगा। मुच्छा-निमीलियच्छी धस त्ति धरणी-यले पडिया ॥ सिसिरोवयार-संपत्त-चेयणा पसमिउं व सोयरिंग। सा वाह-सलिल-पूरं मिलंती पलवए एवं ॥ हा चंदवयण! हा कमल-नयण! हा वच्छ ! लच्छि -कुल-भवण !। हा निय-वंस-विभूसण! हा किसलय-अरुण-कर-चलण! ॥ खिविऊण ममं दीणं दुस्सह-सोयानलंमि पजलंते ।
Jain Education International
For Private & Personal Use Only
www.jainelibrary.org
