________________
प्रस्तावः]
तपसि प्रद्युम्न-शंब-कथा । दट्टण रुप्पिणिं कणय-सच्छहं छविमणमिसच्छि ॥ लच्छि त्ति लक्खिउं पूइउं पणमित्रं च जंपए सच्चा । देवि ! पसायं काउं जइ कुणसि तुमं ममाहिंतो॥ तुच्छं रूवाइ-गुणेहिं महिलमागंतुगं तओ तुज्झ । काहं महंत-पूयं इय विन्नविउं गया सव्वा ॥ कण्हस्स अंतिए भगइ अप्पणो दइयमम्ह दंसेसु । तो सिरि-हरंमि पत्तो कण्हो अंतेउरीहिं समं ॥ सो रुप्पिणीइ अब्भुहिऊण भणिओ नमामि कं पढमं । कण्हेण सचभामा दक्खविया भणइ सा एवं ॥ पुव्वं मए पणमिया एसा हसिऊण जंपए कण्हो । जं भइणीए भइणी नमिया तत्थथि को दोसो ॥ वियरेइ रुप्पिणीए पासायं संव्व-सुंदरं कण्हो । तह रयण-कंचणाहरण-वत्थ-पमुहं महा-विहवं ॥ इय पुव्व-जम्म-निम्मिय-तव-प्पभावेण रुपिणी देवी। इंदेण सइ व्व सुहं माणेइ समं उविंदेण ॥
__ इति तपसि रुक्मिणी-कथा ।
जह पुव्व-भवे महुकेढवेहि पज्जुन्न-संव-कुमरेहिं । विहिओ तवो विचित्तो तह अन्नेहिं पि कायव्वो ॥ तं जहाकइयावि कण्ह-पासे समागओ नारओ कहइ एवं । वेयड्ड-पव्वए जंबवंत-विजाहरिंदस्स ॥ देवीए सिवचंदाइ नंदणो अत्थि वीससेणो त्ति । जंबवई जंबूणय-चन्ना तस्सस्थि लहु-बहिणी ॥ निय-वयण-कणय-पंकेरुहाण तुल्लत्त-दंसगत्थं व । सुर-सरियाए कूले कीलंती सा मए दिहा ॥ कण्हेण तत्थ गंतुं दढाणुराएण सावि आणीया। तज्जणयमणाहिट्ठी जिणिऊण हरिस्स उवणेइ ॥ सो वि हु गुरु-रिडीए हरिणा परिणाविऊण निय-धूयं । गुरु-वयण-सवण-संविग्ग-माणसो गिण्हए दिक्खं ॥
Jain Education International
For Private & Personal Use Only
wow.jainelibrary.org
