Page Text
________________
प्रस्ताव: ]
तपसि रुक्मिणी - कथा |
२५७
रामेण सह रहारूढो सो पत्तो कुंडिणीए पंचाणणो व्व काणणे निभओ चिट्ठ | तंमि दिणे रुप्पिणी पिउच्छाए बहु-धाई - बुड्ढ-नारी-परिगया नागाइपूयणत्थं गया उज्जाणे । काऊण नाग-पूयं पूएइसुं इंदाणी- पमुह-देवेसु कहिय चरेहिं एयासिं जहा पत्ता एए राम केसवा । तओ रहाओ उयरिऊण कण्हेण अभिवाइया पिउच्छा । भणिया य रुपिणी
--
कहो हं तुज्झ कए इहागओ, तो समीहसे जइ मं । ता आरुह रहमेयं हियए पुण पुव्वमारूढा ॥
पिउच्छाए अणुन्नाया कण्हेण आरोविया रहं रुप्पिणी । एसा रुप्पिणी केणावि निजइति परियणेण कओ कोलाहलो । तं सोऊण मिलिओ बहुओ लोगो । भणिओ सो कण्हेण-गंतूण कहेह रुप्पिणो, तुह भइणी कण्हेण नि
इ, जइ अस्थि कावि सत्ती ता मेल्लावसु त्ति भणिऊण आऊरिया राम- कण्हेहिं पलय-काल-घण- घोसाणुकारिणा सरेण कय-असंख-जण-संखोहा संखा । मुणियवृत्तंत्ता जणिय- कोवा कय-संनाहा दसहिं सहस्सेहिं गयंदाणं तिहिं लक्खेहिं तुरंगाणं सट्ठीए सहस्सेहिं रहाणं बहूहिं लक्खेहिं पाइक्काणं परियरिया रुप्पिसिसुपाला । लग्गा अणुमग्गेणं राम- कण्हाणं । ते आगच्छंते 'दहूण भउभंत-हियया कण्हुच्छंग - गयाए रुप्पिणीए भणियं - बहु-सेन्न - संगया महारहा हमे तुम्हे पुण सेन्न- रहिया । ता तुम्ह संगमं विहलं व तक्केमि त्ति कंपइ मे हिययं । कण्हेण जंपियं— पंकयच्छि ! उज्झेसु सज्झसं झत्ति । बहुएवि अहं गरुडो व्व पन्नगे निग्गहिस्सामि ।
जओ
अम्हे थोडा र बहु इउ कायर चिंतंति | मुद्धि निहालहि गयणयलु कइ उज्जोउ करंति ॥ जइ न पत्तियसि ता पिच्छ मे बाहु-व - बलं । इय भणिउं कण्हेणं आकण्णं कड्डिऊण कोदंडं । एगेण अद्ध-चंद्रेण छिंदिया ताल-तरु-माला ॥ पुण व बल-पडत्थं हरिणा वज्जं नियंगुलीयस्स । दलियं नियंगुलीहिं कप्पूर-कणो व्व हेलाए ||
Jain Education International
दहूण इमं तुट्ठा एसा, अह हलहरं हरी भणइ | वेण बहुं वचसु अहं निवारेमि पर - सेन्नं ॥ हलिणा वि हरी भणिओ वच्च तुमं पर-बलं जिणेमि अहं ।
३३-३४
"
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |