________________
२५६ कुमारपालप्रतिबोधे
[तृतीयः जीए सयंकयाणं रूवाइ-गुणाण वन्नणत्थं व । चउ-वयणो संपन्नो पयावई विम्हय-वसेण ॥ तीए अग्धं दाउं पराए भत्तीए नारओ नमिओ। तेणावि रुप्पिणीए आसीसा एरिसा दिन्ना।। कण्हस्स अग्गमहिसी वारवई-सामिणो तुमं होसु । नमिऊण पुच्छए सा-भययं ! को एस कण्हो त्ति ? ॥ अह नारएण कहियं चरियं कण्हस्स मूलओ सव्वं । पयडी-कया गुणा तह सोहग-परक्कम-प्पमुहा ॥ तं सोउं संजाओ अणुराओ रुप्पिणीइ कण्हम्मि । तीए रूवं लिहिलं पडंमी नारयरिसी वि गओ॥ कण्हस्स पडं अप्पड़, सो पुच्छइ भद्द ! का इमा देवी ? । रिसिणा भणियं-नरवर ! न देवया माणुसी एसा ॥ कण्हो जंपइ किं माणुसीइ संभवइ एरिसं रूवं ।
भणइ मुणी नणु तीए स्वस्स लवो मए लिहिओ। जओ
एदह मित्तम्मि जए सुंदर-महिला-सहस्स-भरिए वि।
अणुहरइ नवर लिस्सा वामद्धं दाहिणडस्स ॥
एवं भणिऊण उप्पइओ नारओ । जायाणुराएण कण्हेण पेसिया कंडिणीए रुप्पिणो पासे रुप्पिणी-मग्गणत्थं पुरिसा । गोवालो हीण-जाइ त्ति निसिद्धो कण्हो रुप्पिणा । दिन्ना य सिमुपालस्स । अन्नया पइरिके पिउच्छाए भणिया रुप्पिणी-वच्छे ! ममुच्छंग-गयं तुमं बालत्ते टूण अइमुत्तय-मुणिणा भणियं, एसा कण्हस्स अग्गमहिसी होही । मए भणियं-भयवं ! को सो कण्हो ? । तेण जंपियं-पच्छिम-दिसाए समुद्द-तीरे जो वारवई निवेसेही । संपयं भद्दे ! तुह कल्लाणमुवट्टियं । कण्हेण मग्गिया तुमं परं न दिनासि, रुप्पिणा दिनासि सिसुपालस्स । अप्पिणीए भणियं-किमन्नहा होइ मुणिवयणं ? । तुमं चेव कुणसु जमित्थजुत्तं । तीए नायं-अस्थि एयाए कण्हे अणुराओ। तओ तीए पेसिओ पच्छन्नं कण्हस्स दूओ। जहा-माह-सिय-ट्टमिए नाग-घरे पूया-निमित्तं रुप्पिणीए समं गमिस्सामि । तत्थ तुमए आगंतव्वं ति। पारद्धो य वीवाहो रुप्पिणा सिसुपालस्स । समागओ सो अणेय-करि-तुरयरह-पाइक-चक्क-परिगओ । कलि-कामेण नारएण जाणाविओ एयमत्थं कण्हो।
Jain Education International
For Private & Personal Use Only
www.jainelibrary.org
