________________
२५४ कुमारपालप्रतिबोधे
[तृतीयः तं जहा
लच्छि-ग्गामे लच्छी-अलंकिओ आसि सोमदेवो त्ति । विप्पवरो दाणपरो लच्छिमई नाम तस्स पिया ॥ सा नियय-रूव-लावन्न-गव्विया गमइ कालमणवरयं । मंडंती अप्पाणं अन्न-दिणे मंदिरे तीए ॥ समणो समाहि-गत्तो पत्तो पक्खोपवास-पारणए । भिक्खत्थं तं दढे तुट्टो अब्भुडिओ विप्पो॥ समणस्स देहि भिक्खं पिए ! इमस्स त्ति जंपिउं भज । सो निग्गओ गिहाओ मंडंती सा वि निय-वयणं ॥ दप्पण-तल-संकंतं मुणि-पडिबिंबं च पिच्छए एवं । निम्मंसमट्टि-चम्मावसेसमइमलिण-दुग्गंधं ॥ तं दटुं कुवियाए दिट्टि-पहं मज्झ मेल्लसु विरूव!। इय निहर-भणिरीए तीए निस्सारिओ साहू ॥ तीए य सत्तम-दिणे जाओ सव्वंग-संचरो कोढो । जं उग्ग-पुन्न-पावाई एत्थ जम्मे वि दिति फलं ॥ जण-वन्नणिज्ज-वन्नं आसि सुवण्णं व जं सरीरं से। तंबं व तं विवण्णं जायंतं कं न दूमेह ॥ सुंदरिम-हसिय-कसलं पि कम-जुयं तीइमं गलं जायं। रंभा-समं पिहयं सिंबलि-थंभाभमूरुजुयं ॥ चंपय-लओवमं पि हु भुय-जुयलं जायमयगर-सरिच्छं । अरुणंगुलि कलियं पिहु कर-कमल-जुयं गयं गलिउं ॥ बिंब-फल-सोयरं पि हु उट्ट-पुढं कुट्ट-घोत्थरं जायं । सरला वि नासिया से नहा कुस्स भीय व्व ॥ एवं उंवर-कोढवता कंता वि तेण सा चत्ता । ख्व-सिणेहाईणं अणिचयं तेण बिंति बुहा ॥ मण-दुक्ख-अग्गि-ड्ढा मया इमाए विसिऊण अग्गिम्मि । जं भणियमोसहं खलु अग्गि च्चिय अग्गि-दड्डाण ॥
मरिऊण सा समुप्पन्ना तत्थेव गामे रायउले रासही। पय-पाणं अपावंती कइ वि दियहाइं जीविऊण मया संजाया गड्ढा-सूयरिया। तओ मरिऊण जाया सुणही। वणे भमंती दड्डा दवग्गिणा, मरिऊण लाड-देसे भरुयच्छासन्न-गामे
Jain Education International
For Private & Personal Use Only
www.jainelibrary.org
