________________
प्रस्तावः ] तपसि रुक्मिणी-कथा ।
२५३ विजइ । पंचउलेण चिंतियं अलं इमिणा वियारेण, मा जणो पंडिओ कीरओ। आयार-संवरं काऊण मंजूसाए सह पेसियाओ सासुय-वहुयाओ । रन्ना भणिओ तलारो एगंते-गिहे गंतूण भण जयसुंदरि, जहा रयणाणि लहसि तहा करिस्सामो, परं न एस निसा-वुत्तंतो कस्स वि कहियव्वो । तहेव कयं तलारेण । अमच्चेण भणिओ दामोयरो परसंतियाणि रयणाणि हरंतस्स ते सुमरियं कयंतेण ता लहुं समप्पेहि । तेणावि तहेव कयं ।
अह सुंदरो वि वित्ते वासारत्ते विढत्त-बहु-वित्तो। सह कणयसुंदरीए पत्तो खेमेण निय-नयरिं ॥ जणणी-मुहाउ सोउं जयसुंदरि-सील-रयण-वुत्तंतं । तीए उवरि विसेसेण सुंदरो कुणइ अणुरायं ॥ देव-गुरु-भत्ति-रम्मं धम्मं जयसुंदरी चिरं काउं । पजते गहिय-वया मरिऊण गया तियस-लोयं ॥
___ इति शीले जयसुंदरी-कथा। इय सील-धम्ममायन्निऊण भव-जलहि-तारण-तरंडं । संविग्ग-मणो राया गिण्हइ नियमं गुरु-सभीवे ॥ अट्टमि-चउद्दसी-पमुह-पव्व-दियहे सुनिच्चमेव मए । कायव्वं बंभवयं भयवं ! मण-वयण-काएहिं ॥ अह वागरियं गुरुणा-जीव-दया-कारणं नवं कुजा । छज्जीव-निकाय-वहो न होइ जम्हा कए तम्मि॥ जह कंचणस्स जलणो कुणइ विसुद्धं मलावहरणेणं । जीवस्स तहेव तवो कम्म-समुच्छेय-करणेण ॥ कम्माई भवंतर-संचियाइं तुटुंति किं तवेण विणा। डझंति वानलमंतरेण किं केण वि वणाई ॥ अगणिय-तणु-पीडेहिं तित्थयरेहिं तवो सयं विहिओ। कहिओ तह तेहिं चिय तित्थयरत्तण-निभित्तमिमो॥ कुसुम-समाओ तियसिंद-चकवहित्तणाइ-रिद्धीओ। जाणसु तव-कप्प-महीरुहस्स सिव-सुक्ख फलयस्स ॥ बारस वरिसाई तवो पुव्व-भवे रुप्पिणीइ जह विहिओ। तह कायव्वो नीसेस-दुक्ख-खवणत्थमन्नेहि ॥
Jain Education International
For Private & Personal Use Only
www.jainelibrary.org
