Page Text
________________
२५२ कुमारपालप्रतिबोधे
[ तृतीयः अस्थित्थ किंचि निलुक्कण-ठाणं ? दंसिओ तीए मंजूसाए उत्तर-कोणो । तत्थ पविट्ठो सेट्टी, दिन्नं तालयं । उग्घाडियं दुवारं, पवेसिओ पुरोहिओ, निवेसिओ सीहासणे, तस्स वि तहेव कओ उवयारो, पारद्धा संकहा । एत्थंतरे पत्तो मंती भणियं तेण-उग्घाडेहि दुवारं । तीए वुत्तं को एस ? पुरोहिएण भणियंमंतिव्व नजइ अत्थित्थ किंचि नासण-हाणं ? तीए दंसिओ पच्छिम-कोणो।तत्थ पविट्ठो पुरोहिओ। पवेसिओ मंति तस्स वि कओवयारो पारद्धा कहा । इत्थंतरे आगओ राया तेण वुत्तं--उग्घाडेहि वारं। तीए वुत्तं-को एसो ? मंतिणा वुत्तंराय व्व लक्खीयइ । दंसेहि नासण-ठाणं । दंसिओ तीए दक्षिण-कोणो तत्थ पविट्ठो मंती। पवेसिओ राया पारडो उवयारो। इत्यंतरे गहिय-संकेया आगया सासुया भणिया अणाए--वच्छे ! उग्घाडसु दुवारं । रन्ना भणिया-का एसा ? तीए वुत्तं-मह सासुया। रन्ना वुत्तं-दंसेहि किं पिठाणं, खणमित्तं ओसरामि। दंसिओ पुव्व-कोणो पविहो राया दिन्नं तालयं । इत्थंतरे पहाया रयणी। वयं गले घेत्तण परुन्ना धणसिरी। मिलिओ लोगो, आगओ तलारो, पुच्छियं तेण किमेयं ति? धणसिरीए कहियं-एगो पुत्तो सो वि देसंतरे पत्तो पंचत्तं । तओ तलारो गओ रायउलं । नस्थि राय त्ति गओ मंति-गेहं। मंती नत्थि त्ति गओ पुरोहिय-गिहं । सो वि नत्थि त्ति गओ सेहि-गेहं । सो वि नस्थि त्ति कहियं लहुय-पंचउलस्स । तं आगयं गिहे । निरूविऊण घर-सारं भणिया तेण धणसिरी-भद्दे ! तुह गेहे महंती अत्थ-संभावणा न य किं पि दीसह त्ति । तीए वुत्तं देसंतरं वचंतेण पुत्तगेण भणियमेयं-एसा मंजूसा जत्तण रक्खियव्वा । पंचउलेण चिंतियं संभाविजह इत्थ घरसारं । सा उण चालिउ पि न तीरइ त्ति पुच्छिया वहू-किं कारणं जं इत्थ बहुओभारो? तीए वुत्तं-अज मए सुविणे चत्तारि लोगपाला गिहागया दिवा । ते वि मंजूसाए पुव्व-दाहिणावरुत्तरेसु कोणेसु पविद्या । तो जइ सच्चो एस सुविणो तो तप्पभावेण भारो संभाविजइ। राय-पुरिसेहिं चडाविया गड्डीए मंजूसा, नेऊण मुक्का करणस्स पुरओ। मिलिओ लोगो। पंचउलेण मग्गिया धणसिरी कुंचियाओ । उग्घाडियाई तालयाई । पुवाओ कोणाओ नव-वह व्व पडच्छन्न-मुहो अहो-निविट्ठ-दिट्ठी निग्गओ राया। दाहिणाओ मंती, पच्छिमाओ पुरोहिओ, उत्तराओ सेट्ठी । सब्वे वि वेगेण गया निय-निय-गिहेसु । पंचउलेण भणियं-किं सचं इमे रायामच्च-पुरोहिय-सेटिणो ? किं वा इंदयालं ? न हसंताणं न रोयंताणं ति पुच्छिया जयसुंदरी-को एस वुत्तंतो। तीए वुत्तं घरे चेव साहिओ सुविणो, सो सच्चो संभा
Jain Education International
For Private & Personal Use Only
www.jainelibrary.org|
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |