Page Text
________________
प्रस्तावः ] पतिभक्तौ जयसुन्दरी-कथा।
२५१ पुरिसा जयंतीए । दसिओ लेहो धणसिरीए । वाइओ सो तीए जहा-भद्दे ! कंचणउरे कणयसारो सेट्ठी तुह सुयस्स निय-धूयं देइ, जइ तुमं अणुमन्नसि। धणसिरीए भणियं को कल्लाणे विरोहो । जयसुंदरी-सम्मएण समप्पिओ तेसिं पडिलेहो । तेहिं गंतूण दंसिओ सेहिस्स । जहा
सव्वुत्तमो तुमं सुंदरस्स जइ देसि देसु निय कन्नं ।
भवणं पविसंतीए सिरिए को झंपयं देइ ॥ तओ सेटिणा तं दंसिऊण परिणाविओ कणयसुंदरि सुंदरो। निय-नयरं गंतु कामो वि सो आसन्नो पाउसो त्ति ठिओ तत्थेव। पत्थिया के वि सत्थिया । तत्थ मे जणणि-घरिणीणं इमाणि अप्पेजसु त्ति भणिऊण सुंदरो दामोयरविप्पस्स समप्पए सत्त रयणाई । सो वि पत्तो जयंतीए । लोभ-दोसओ तेण अवलत्ताई ताई। अन्न-वणिएण अप्पिओ दामोयर-पासाओ सत्त रयणाई घेत्तव्वाई ति लेहो। तं घेत्तूण गया दामोयर-पासंधणसिरी। दसिऊण लेहं मग्गिओ सो रयणाणि । तेण वुत्तं न मम हत्थे पेसियाणि, एस पुण कओ केणावि कूड-लेहो। आगया गिहं धणसिरी भणिया वया-वच्छे ! चलियचित्तो बंभणो, ता कस्स वि पहाण-पुरिसस्म कहिऊण गिण्ह रयणाणि । जं अंबा आणवेइ त्ति वुत्तूण भुत्तुत्तरं गया सेट्टि-समीवं जयसुंदरी । कहिओ तस्स रयण-वुत्तंतो। तेणावि तीए रूव-लुडेण भणिया सा-भद्दे ! जइ मए सह एक्कसो वि विसए सेवेसि तो ते कजं करेभि । तीए बुत्तं-जइ एवं ता जामिणी-पुढम-जामे आगंतव्वं ति। गया पुरोहिय-पासे । तस्स वि सेटि-सरिसो समुल्लावो । वीय-जामे आगंतव्वं ति । गया मंति-सगासं । सो वि पुरोहिएणेव पाढिओ। तं चेव जंपइ तइय-जामे इज्जसुन्ति भणिऊग गया रन्नो पासे । रन्ना वि तं चेव वुत्तं, चउत्थ-जामे जामिणीए सामिणा आगंतव्वं ति भणिऊण गया निय-गेहं । साहिओ सासुयाए तव्वुत्तंतो। जत्थ कारण-पुरिसा वि एरिसा तत्थ केरिसी रयणासा । वहूए वुत्तं-अत्थि चउ-दिस-ट्टिय-पुरिस-पमाणा चउ-कोणा मंजूसा । सा रित्ती काऊण गिहेग-देसे मुच्चल । सासुयाए तहेव कयं। सज्जियं जयसुंदरीए मंदिरं । निसाए विप्फुरते मोहे व्व विहिय-दिट्ठि-पडिरोहे तिमिरोहे आगओ सेट्ठी। पविठ्ठो भवणभंतरं । कयं तीए चलण-सोहणाइ । पारद्धा सिंगार-कहा। इत्थंतरे पत्तो पुरोहिओभणियं अणेण-सुंदरि ! उग्घाडेसुदुवारं । तीए वुत्तं-को एस ?सेटिणा भणियं-पुरोहिओ व्व लक्खीयइ ।
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |