________________
२५० कुमारपालप्रतिबोधे
[ तृतीयः अह जिणमुहेण भणियं जह अणुरत्तो ढं तुमं तीए ।
सा वि तइ चेय तहा मुह-दसणओ मए मुणियं ॥ जओ
मुहराओ चिय साहइ जो जस्स पिओ किमेत्थ भणिएण । साहेइ पंगणं चिय घररस अंतग्गयं लच्छि । तो होसु तुमं धीरो होही तुह पिययमा इमा नृणं । एवं तक्केमि अहं अणुकूल-निमित्त-सउणेहिं ॥ इय बुज्झविउं नीओ आवासं सुंदरो जिणमुहेण ।
कय-देव-गुरु-सुमरणा रयणीए दो वि पासुत्ता ॥
पहाए ते पडह-दाण-पुत्वं उरघोसणं सुणंति-जो कणयसार-सेटि-धूयं कणयसुंदरिं सप्प-दहें जीवावेइ, सेट्ठी से दीणार-लक्खं देइ । तओ सुंदरेण वाराविओ पडहओ, भणिया पुरिसा-दंसह तं मे । तेहिं वुत्तं पसायं काऊण एह । गओ मित्तेण सह सुंदरो दिवो सेट्ठी कणयसुंदरी य । कहिऊण जहट्टियं वुत्तंतं भणियं सेटिणा-भद्द ! कणयसुंदरिं जीवाविऊण देसु मे जीवियं । सुंदरेण वुत्तं-अस्थि ता गारुडं, कज-सिद्धीए दिव्यो पमाणं ति। आलिहियं मंडलं मुमरियं गारुडं तकखणा उम्मीलिय-लोयणा वियंभंती मंडलाओ उहि. ऊण निविद्या जणणीए उन्च्छंगे कणयसुंदरी । तुटो सेट्टी उच्छलिओ आणंदनंदी सहो । कणयसुंदरी वि सो चेव एस सुहओ त्ति सरभसाए किंचि गुरु-यण-लज्जा-मंदाए दिट्टीए सुंदरं ददुमाढत्ता । सुंदरो तं तहा दट्टणं अमंदाणं. द-सुंदरो जाओ। जओ
अणुराय-लद्ध-पमराई गुरु-यणालोय-लज्ज-खलियाई । चोरिय-निरिक्खियाइं कुणंति परिओसमचंतं ॥ सेट्टी धूयाइ मणं मुणिउं तह जाणिउं जिणमुहाओ। नयर-कुल-प्पमुहं सुंदरस्स तं जंपए एवं ॥ सुंदर ! मह धूयाए इमीए संमोहणे सदप्पस्स ।
सप्पस्स व कंदप्परस पसम-ग्वो तुमं चेव ॥ __ ता परिणेसु एयं । सुंदरेण उत्तं-गुरु-यणायत्तो एस अत्थो । सेटिणा वुत्तं-वच्छ ! एस ते विणओ कुलोणतं कहेइ । गच्छ नियावासं । अहं पुण पत्थुयत्थे तुह जणणीए अणुन्नं गिहिस्सं । तओ लेहं समप्पिऊण पेसिया
Jain Education International
For Private & Personal Use Only
www.jainelibrary.org
