________________
२४८ कुमारपालप्रतिबोधे
[ तृतीयः काल-वंचणा-पवणं पवण-निरोहाइयं जोग-मग्गं गुरुवइडे अणुचिटुंतो जाव चिठ्ठामि, ताव मिलिओ मे जोगचंडो नाम जोगी । तेण मए सह कया कवड-मेत्ती। नत्थि जोगीणं अकजं अखजं अपिजं अगम्मं किं चि त्ति भणंतेण कराविओहं मज-पाण । अन्ज में मज-मत्तं खग्गेण हणिऊण वेत्तूण मे भज्जं जोगसिरिं गओ जोगचंडो । सुंदरेण वुत्तं-भद्द ! अणुचियमिणं मजपाणं ।
जं गरहणिजमुत्तम-जणस्स कुवियप्प-सप्प-केलि-विलं । दुव्वयण-कारणं कय-किलिट्ठ-चिट्ठे हय-विवेयं ॥ जा का य सिद्धि-बुद्धी जल-गय-पडिबिंब-गहण-वंछा सा । पञ्चक्खेण सरीरं विणस्समामि मणुयाणं ॥ जं कयगं तमणिचं ति जुत्तिओ भंगुरत्तणे सिद्धे । कायस्स थिरीकरणं सुरचाव-थिरीकरण-तुल्लं॥ ता मुत्तूण कुबुद्धि जीव-दया-पमुह-सव्व-गुण-पवरे । सयल-मुह-हेउ-भूए जिणिंद-धम्मे मई कुणसु॥ इय सोउं पडिबुद्धो सम्मं जिणधम्ममायरइ जोगी। तेणावि गारुडं मुंदरस्स दिन्नं पढिय-सिद्धं ॥ तो सुंदरो कमेण पत्तो कंचणउरे ठिओ वाहिं । पारद्धो विविह-कयाणगाण कय-विक्कए काउं । अह पसरिओ वसंतो चूय-वणुच्छलिय-कोइल-रवेण । जग्गविय-विसम-बाणो निव्वासिय-माणिणी-माणो ॥ जत्थके वि त्थी-परिरंभेण कामिणो कुरवय व्व कुसुमंति । पमया-पय-पहया पल्लवंति के वि हु असोय व्व ॥ बउल व्व रमणि-मइरा-गंडस-मिसेण के वि वियसंति । पहसंति कामिणीहिं कडक्खिया के वि तिलय व्व ॥ फुलंति विरहिणा विरहय व्व लहिऊण पंचमं के वि ।
तह चंपय व्व तृसंति के वि वर-सुरहि-सलिलेण ॥ सुंदर-जिणमुहा वसंतूसवं दटुं गया उजाणं ।
जत्थजंबीरंब-कयंब-जंबु-कयली कप्पूर-पूगी-फली
खज्जूरज्जुण सल्ल-सल्लइ-समी-नग्गोह-सोहंजणा ।
Jain Education International
For Private & Personal Use Only
www.jainelibrary.org
