________________
२४७
प्रस्तावः ]
पतिभक्तौ जयसुन्दरी-कथा । भद्दे ! अकलंक-सील-पालणुजयाए तुमए अंबाए चलण-सुस्सूसणं कायव्वं । बाह-जलाविलच्छीए भणियं तीए।
इह चिहिस्सामि अहं सरीर-मित्तण तुज्झ वयणाओ। मह चित्तं पुण पिययम ! तुमए सह वञ्चिही नृणं ॥ नहि नाह ! किच्चमवरं अंबा-सुस्मृसणं विणा मज्झ । अन्नह कुलंगणाणं विहलं जम्मं बुहा बिंति ॥ जं पुण मह सीलं तं सक्को वि न सक्कए कह वि हरिउं । किं चलइ मेरु-चूला किं उच्छल्लइ धरणि-वीढं ॥ सुंदरेण वुत्तं पिए ! साहु साहु त्ति। तओ काऊण सामग्गि पसत्थ-दियहे कय-देव-गुरु-पूओ कीरंताणेग-मंगलो सुह-सउण-दुगुणिय-मणुच्छाहो रहकरहवसह-वेसर-विसरारोविय-वियड-कयाणगो तुरयारूढ-पाइक्क-चक्क-परिगओ पत्थिओ सुंदरो। दितो दीणाईण दाणं थुव्वंतो मागहेहिं अणुगम्मतो मित्तेहिं अहिणंदिजंतो नायरएहिं निग्गओ नयरीओ। परिसरे गंतूण पणओ जणणीए। भणिओ अणाए-वच्छ ! एस ते परम-सावओ जिणमुहो नाम सयल-कज्जेसु सहाओ न एयस्स वयणं पडिकूलेयव्वं । तहाविसएहिं तकरेहि य रक्खेज मुसिजमाणमप्पाणं । जे सुह-यरं चरित्तं हरंति इक्के परे वित्तं ॥ घण-रस-परिपुन्नाओ अमुणिय-मज्झाओ धीवरेहिं पि। नारीओ नईओ तहा अवीससंतो विलंबेजा ॥ मय-कोह-पमुह-सावय-भयंकरं मयण-भिल्ल-दुल्लंघं । पवलक्ख-रक्खसं नित्थरेसु रन्नं व तारुन्नं ॥
एवं सुंदरमभिनंदिऊण नियत्ता धणसिरी । सुंदरो वि सत्थ-सुत्थं कुणंतो वचंतो पत्तो कायंबरिं अडविं।
बहु-दीविया ति जाम व्व गाम-भूमि व्व करिसय-समेया।
वेस व्व भुयंग-जुया गउरि व्व स-नीलकंठा जा ॥ तत्थ भू-निवडिओ खग्ग-पहार-विहुरो सुंदरेण दिट्टो जोगी । करुणाए कओ पउण-सरीरो। पुच्छिओ य-भद्द ! किं कारणं जमेवं विहं अवत्थं गओ सि ? तेण वुत्तं-अत्थि इत्येव पच्चयासन्नं वसंतउरं नयरं । तत्थाहं जोगसारो जोगी। जोगसिरी मे पडिचारिया । काय-सिद्धि-निबंधणं आउ-बुड्डि-कारणं
Jain Education International
For Private & Personal Use Only
www.jainelibrary.org
