________________
२४६ कुमारपालप्रतिबोधे
[तृतीयः विगुणमवि गुणढं ख्व-हीणं पि रम्म
जडमवि मइमंतं मंद-सत्तं पि सूरं । अकुलमवि कुलीणं तं पयंपंति लोया
नव-कमल-दलच्छी जं पलोएई लच्छी॥ लडूण धणं सहलं कायव्वं पत्त-दाण-भोगेहिं । एवं अकीरमाणे संतं पि असंत-सारिच्छं॥ जे उण लद्धं पि धणं न दिति पत्ते सयं न भुंजंति । ते तं परोवभोगं रक्खंति अवित्ति-कम्मयरा ॥ तो गंतुं देसंतरमहं महंतं घणं उवजेमि । तेणोभय-भव-सुहयं करेमि धम्मं च कित्तिं च ॥ जणणीए बजरियं इह हिओ चिय धणजणं कुणसु । देसंतर-गमणं पुण अणेय-दुक्खावहं वच्छ ! ॥ नव-नव-पयाणएहिं सरीर-खेओ दिणे दिणे होइ । जायंति दुस्सहा बाय-बुट्टि-सीयायव-किलेसा ॥ गुरु-विसम-मग्ग-लंघण-वसेण तण्हा-छुहाउ पीडति । असमय-भोयण-पभवा पसरति निरग्गला रोगा। दुट्ठ-निव-चोर-चरड-प्पमुहा विहवं हढेण गिण्हंति । लडूण छलं कहमवि मुसंति मायाविणो धुत्ता ॥ रयणीसु वि जग्गंतेहिं निच्चमच्चतमप्पमत्तेहिं । दु-पय-चउ-प्पय-चउ-विह-भंडाणं दुक्करा रक्खा ॥ इय कित्तियं च भन्नइ दुग्वं देसंतरस्स गमणमि । सुह-लालिओ तुमं पुण, ता मुंच मणोरहे एए॥ तो सुंदरेण भणियं-अम्मो ! विहियंमि पुरिसयारंमि । पुरिसाणं संपजइ मणिच्छि या निच्छियं लच्छी ॥ संसय-तुलहि चडावियर्ड जीविउ जा न जणेण । ताव कि संपय पावियइ जा चिंतविय मणेण ॥
ता सव्वहा गंतव्वं मए पुव्व-वहू-दिस-विहूसणं कंचणउरं नाम नयरं । तं सोऊण भणियं धणसिरीए-पुत्त ! जइ एवं ता वच तुमं तुज्झ घरिणी पुण मह पासे चेव चिट्ठओ। सुंदरेण वुत्तं एवं होउ त्ति, भणिया य घरिणी
Jain Education International
For Private & Personal Use Only
www.jainelibrary.org
