________________
२३६
कुमारपालप्रतिबोधे
[ तृतीयः
तहेव सो करेह । तहा कुणंतो अन्नया दिट्ठो पिऊहिं । हंतूण निव्वासिओ घराओ । भमंतो मिलिओ एकूण चोर-पंचसयाणं । तस्स भइणी अपत्तजुव्वणा वि विणट्ठा। भमंती गया गाममेकं । अन्नया सो गामो तेहिं तकरेहिं हओ । सा वि नेऊण निय-पलिं भज्जा कया । कयाइ चिंतियं चोरेहिं एक्का इमा वराई अम्हे पंचसया । तो जइ दुइय दइया होई ता एसा वीसमइ । तो तेहिं आणीया अन्ना इत्थी । पुव्व-भज्जा ईसाए तीए छिद्दाणि मग्गइ | अन्नया गया चोरा चोरियाए पुव्व-भज्जा लद्वावसरा नव-भज्जं कवडेण कूव-तडं नेऊण भणइ - भद्दे ! पिच्छ किं पि कूव-मज्झे अत्थि । सा वि उज्जुया दट्टुमाढत्ता । खित्ता क्रूवे पढमाए । चोरेहिं आगएहिं पुच्छिया - कत्थ सा दुइया ? तीए वृत्तं - किमहं जाणामि, किं न नियं भज्जं रक्खेह । तेहिं नायं जहा इमाए मारिया सा । तओ तस्स बंभण- चेडस्स चित्ते ठियं, किं एसा सा पाव-कम्मा मे भगणिति ।
सोउं सव्वनुं मं पुच्छर एसो मणेण लजंतो ।
किं मे भइणी जा सा सा सत्ति ? मए वि से कहियं ॥ तो राग-दोस - मूढा लहंति जीवा भवंमि दुक्खाई । इय मुणिडं संविग्गो सो पुरिसो गिण्हए दिक्खं ॥ गंतूण तेण पछि धम्मे पडिबोहिया जिणुद्दिट्ठे | कारविया वय-गहणं एक्कणा चोर-पंचसया ॥ नमिऊण जिणं जंपइ मिगावई पुच्छिऊण पज्जोयं । दिक्खं पडिवज्जिस्सं, तत्तो सा भणइ पज्जोयं ॥ जइ मं तुममणुमन्नसि तत्तोहं पव्वयामि पहु-पासे । सो वारिडं न सक्कइ सुर-असुर-नराण लज्जंतो ॥ ताहे विसजए तं सा पज्जोयस्स उद्यण- कुमारं । उच्छंगे निक्खिविडं दिक्खं गिण्हइ जिण - समीवे ॥ भव-भीयाउ चरितं मिगावईए समं पवजंति । अंगारवई - पहा अट्ट पज्जोय -घरिणीओ ॥ सील - वसेणं लहिउं केवल - नाणं मिगावई सिद्धा । सील-रहिओ य पत्तो अजसं कुगई च पजोओ ॥ इति शीले मृगावती - कथा ।
Jain Education International
For Private & Personal Use Only
www.jainelibrary.org
