Page Text
________________
प्रस्तावः ]
शीलव्रतपालने मृगावतीवृत्तान्तः । भयवं! जा सा सा स त्ति भासियं भयवया किमिमं ?॥ तो कहइ वीर नाहो इहेव भरहे पुरीए चंपाए । आसी सुवनयारो अचंतं रमणि-लोल-मणो॥ जं जं पिच्छइ कन्नं ख्ववई महियले परिभमंतो । तं तं परिणेइ इमो दाऊण सुवन्न-पंचसए । एवं पंचसयाई परिणीयाई इमेण महिलाणं । सव्वंगीणाभरणं पत्तेयं तेण ताण कयं ॥ रमइ जया जीए सह सो तइया तीइ देइ आभरणं । सेसाउ सेस-कालं निरलंकाराउ चिट्ठति ॥ सो य दढं ईसालू अवीससंतो मणमि महिलाणं । चिट्ठइ सयं घरे चिय परस्स पुण देइ न पवेसं ॥
अन्नया अणिच्छंतो वि नीओ नियघरे भोयणत्थं पिय-मित्तेण । तन्भजाहिं चिंतियं-धिरत्थु अम्ह जीवियं जं गुत्ति-खित्ताओ व्व चिट्ठामो । जमदूओ व्व मंदिर-दुवारं न मेल्लए पावो अम्ह पई । अज सोहणं जायं जं
अन्नत्थ गओ एसो । ता अच्छामो सेच्छाए खणं । तओ ताओ पहाय-विलित्ताओ पसत्य-वत्थालंकार-कुसुम भूसियाओ जाव दप्पण-कराओ अप्पाणं पेच्छंतीओ अच्छंति, ताव आगओ भत्ता।
ताओ दट्ट रुटेण तेण भजा तहा हया एका । जह झत्ति मया सा कमलिणि व्व करि-चलण-अकंता ॥
अन्नाहिं मंतियं अम्हे वि हणिस्सइ एसो, ता लामो इमं । किं इमिणा रक्खिएणं । तओ ताओ चक्केहिं व एक्कूण-पंचसय-संखेहिं दप्पणेहिं पहं पहणंति । तत्कालमेव मओ सो। जाओ तासिं पच्छायावो । अजुत्तं कयं पइ-मारिग त्ति अकित्तिं पत्ताओ अम्हे । तओ पिहिय-दुवारं भवणं पलीविऊण मयाणि महिलाणं एक्कूण-पंचसयाणि । साणुतावयाए अकाम-निजराए समुप्पन्नाई मणुस्सत्तणेण । दिव्व-जोएण मिलिया ते एगत्थ दुग्ग-ट्ठिया चोरियाए जीवंति । जो पुव्वं मारिया भारिया सा एकं भवं तिरिएसु गमिऊण बंभण-कुले पुत्तो समुप्पन्नो । सो पंचवरिसो जाओ। सुवन्नयारो तिरिक्खेसु एकं भवं गमिऊण तत्थेव कुले तस्स चेव भइणी-दारिया जाया । सो दारओ तीए पिऊहिं वालग्गाहो कओ सा य दुत्तणेण निच्चपि रोयइ । उयरे फरिसंतेण तेण कह वि फरिसिया गुज्झ-देसे । निवत्ता रोयणाओ । तं रोयण-नियत्तणोवायं नाऊण
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |