________________
२३४
कुमारपालप्रतिबोधे
ता ओसहीओ हिमपव्वयंमि उस्सीसए सप्पो ॥ जई निव्विग्धं वंछसि मह जोगं ता करेसु नर-नाह ! उज्जेणि- इहगाहिं को संबि-पुरीइ पायारं ॥ तं सोउं पज्जोओ दोपहवि नयरीण अंतरालंमि । निय - निय-परिवार - जुए ठावेइ चउद्दस - नरिंदे ॥ पुरिस - परंपरएणं उज्जेणी - इट्टगाओ आणेउं । एसो कोसंबीए पायारं दढयरं कुणई || अह ! दूय मुहेण मियावईइ भणिओ पुणो वि पजोओ । धण-धन्न - तणाईहिं पूरे पुरिं इमं सयलं ॥ सव्वं झत्ति तह च्चिय तुझ-मणो कारवेइ पज्जोओ । आसा-परव्वसाणं न दुक्करं किं पि पुरिसाणं ॥ रोह - खमं निय-नयरिं नाऊण मियावई मह-प्पवरा । वप्पंमि भडे ठविडं दाराई ढक्किउंच ठिया ॥ तो पज्जोय - नरिंदो सव्वत्तो रुंभिऊण कोसंबिं । तरु- साहा - चुक्को मक्कडो व्व थक्को विलक्ख-मणो ॥ अह ! अन्न- दिणे चिंतइ मियावई विष्फुरंत - वेरग्गा । धन्ना ते पुर-गामा विहरइ वीरो जिणो जत्थ ॥ जइ एत्थ एइ भयवं तत्तोहं संजमं पवज्जामि । इय तीइ मणं मुणिउं समागओ तत्थ वीर - जिणो ॥ सोऊण समोसरिडं वीर - जिणिदं मियावई देवी । उघाडण दाराई निव्भया निग्गया बाहिं ॥ पसमिय-समत्त - वेरं वीरं सा वंदिऊण विणिविट्ठा । आगंतुं पज्जोओ नमिऊण जिणं तह निसन्नो धम्मं कहेइ भयवं सोउं सव्वन्नुमागयं इक्को । धणु-बाण- करो पुरिसो मणेण पुच्छेइ संदेहं ॥ भणिओ जिणेण एसो वयणेणं भद्द ! संसयं पुच्छ । सोऊण जेण एयं लहंति अन्ने वि पडिबोहं ॥ इय जंपिओ वि पहुणा लज्जाए वुत्तुमक्खमो पयडं । भयवं जा सा सा स त्ति भणइ थेवक्खरं पुरिसो ॥ एवं इमं ति वृत्तं जिणेण, पुच्छेइ गोयमो सामि ।
Jain Education International
For Private & Personal Use Only
[ तृतीय:
www.jainelibrary.org
