________________
२३२
कुमारपालप्रतिबोधे
[तृतीयः तेणावि तीए रूवं जहट्टियं सव्वमालिहियं ॥ छिंदाविओ निवेणं कोव-वसा तहवि तस्स संदंसो। चंड-पयईण जम्हा न निष्फलो होइ संरंभो ॥ तेणावि पुणो सो चिय कओववासेण सेविओ जक्खो। वाम-करेण करिस्ससि तहेव चित्तं ति तेणुत्तं ॥ एवं लड-वरो सो फुरंत-रोसो विचिंतए चित्ते । रन्ना लहाविओहं एयमवत्थं निरवराहो ॥ तो विप्पियं करिस्सं इमस्स केणावि अहमुवाएण । बुद्धीइ तं खु धीरा कुणंति जं विकमा सज्झं ॥ तो अहरिय-रइरुवं फलर लिहिलं मिगावहं देविं । सो उल्लेणी-पहुणो पज्जोय-निवस्स दसेइ ॥ तं दटुं पज्जोओ जंपइ पज्जुन्न-बाण-हय-चित्तो। चित्तयर ! तुज्झ नूणं विन्नाणमिणं न उण विहिणो । न महीइ दिट्ठ-पुत्वं सुय-पुत्वं वा न देवलोए वि। ता तुमए रूवमिणं कह पडिबिंबं विणा लिहियं ? ॥ अह अस्थि कत्थ वि इमा कहेसु ता झत्ति जेण गिलामि । न परो इमीइ उचिओ मणिणो कणगं व मं मुत्तुं ॥ तुह-मणो चित्तयरो कहइ सयाणीय-निवइणो। एसा मियंक-वयणा मिगावई नाम मिग-नयणा ॥ निउणो पयावइ चिय अदिव-पुव्वा कया इमा जेण । न उण अहं जेण दुढं टुं पि न सम्ममालिहिया ॥ अह जंपइ पज्जोओ जिणिऊण रणे मए सयाणीयं । घेत्तव्वा धुवमेसा किंतु इमा राय-नीइ त्ति ॥ पेसेमि साम-पुव्वं दूयं एईए मग्गणत्थमहं । जो मरइ गुलेण वि तस्स को विसं देइ महमंतो॥ तो वजजंघ-दूयं सिक्खविउं पट्टवेइ पजोओ। गंतूण सयाणीयं सो एवं भणिउमाढत्तो॥ आणवइ महाराओ तुमं सयाणीय ! चंडपज्जोओ। दिव्व-वसा खलु देवी मियावई पाविया तु मए । थी-रयणमिणं जुग्गं मम चेव न तुज्झ तुच्छ-पयइस्स।
Jain Education International
For Private & Personal Use Only
www.jainelibrary.org
