________________
प्रस्तावः]
शीलव्रतपालने शीलवतीदृष्टान्तः ।
२३१
सिद्धमिणं अविणासाओ तुज्झ ता मग्ग तुममवरं ॥ सो जंपइ जइ एवं दु-पयस्स चउ-प्पयस्स वा जस्स। वत्थाइ-पिहिय-देहस्स एग-देसं पि पिच्छामि ॥ सयलं पि तयणुसारेण तस्स रुवं जहटियं लिहिउँ । होजा मह सामत्थं भणइ सुरो होउ एवं ति॥ लोएहिं पूइओ सो परोक्यारीण होइ जइ पूया। तं किं चोजं अह सो कोसंबीए पुरीइ गओ ॥ तत्थ सयाणीय-निवो कयाइ सामंत-मंति-परियरिओ। निय-रिद्धि-गविओ सो सहानिसन्नो भणइ दूयं ॥ मम किं न अस्थि जं अस्थि अन्न-निवईण तो भणइ दूओ। चित्त-सहा अस्थि न ते, चित्तयरा तेण आणत्ता ॥ चित्तेह सहं तं ते चित्तयरा विभइऊण चित्तं ति। सो चित्तयरो चित्तइ पएसमंतेउरासन्नं ॥ सो चित्तंतो जालंतरेण माणिक्क-भूसण-सणाहं । पेच्छह पायंगुटुं मिगावईए य देवीए ॥ . मुणिउं मिगावइं तं अणुमाणेणं इमो तओ तीए। रूवं जहट्टियं आलिहेइ जक्ख-प्पभावेण ॥ नेत्तुम्मीलण-समए मसि-बिंदू तत्थ ऊरु-मूलंमि । पडिओ अणेण फुसिओ पडिओ सो पुणो फुसिओ ॥ पुण पडियं तं दटुं चित्तयरो चिंतए धुवं अत्थि । लंछणमित्थ पएसे इमीइ ता होउ इह बिंदु ॥ निम्माया चित्त-सहा राया तहंसणत्थमणुपत्तो। तं पेच्छंतो कमसो मिगावईए नियइ रूवं ॥ ऊरंमि मसी-बिंदुं दढ स्ट्रो विचिंतए एवं ।। पावेण नृणमिमिणा मम पत्ती धरिसिया एसा ॥ कहमन्नह एस मसं देवीए मुणइ वत्थ-मज्झत्थं । तो तलवरस्स रन्ना समप्पिओ निग्गहत्थमिमो ॥ चित्तयरेहिं नरिंदो विन्नत्तो देव ! एग-देसं पि ।
8 जख-पसाया लिहइ इमो सयलमालेक्खं ॥ तस्स परिक्खा-करणाय दंसियं खुजिया-मुहं रन्ना।
Jain Education International
For Private & Personal Use Only
www.jainelibrary.org
