________________
२२९
प्रस्तावः]
शीलव्रतपालने शीलवतीदृष्टान्तः । अत्थि तवे सामत्थं जीए धम्मत्थमत्थो य॥ अम्हारिसो उण जणो अधणो तव-करण-सत्ति-रहिओ य । किं कुणउ मंदभग्गो पवत्तिणीए तओ भणियं ॥ सत्सीए चाग-तवो करेसु सीलं तु अप्प-वसमेयं । पर-नर-निवित्ति-रूवं जावज्जीवं तुमं धरसु॥ अट्टमि-चउद्दसीसु य तिहीसु तह निय-पई पि वजिज्जा । एयं कयंमि भद्दे ! तुम पि पाविहिसि कल्लाणं ॥ पडिवन्नमिमं तीए मन्नंतीए कयत्थमप्पाणं । गेहं गयाइ कहियं निय-पइणो सो वि तं सोउं ॥ तुट्ट-मणो बहु मन्नइ तए फलं जीवियस्स पत्तं ति । भणइ य अओ परमहं काहं पर-दार-परिहारं ॥ पव्व-तिहिसु इमासु य विरइस्सं निय-कलत्त-नियमं पि । इय कय-नियमेहिं कमेण तेहिं पत्तं च सम्मत्तं ॥ अह दुग्गिला विसेसुल्लसंत-सहा सयं तवं काउं । पूएइ पुत्थएसु य तिहीसु तद्दियह वित्तीए॥ कालेण दो वि मरि सोहम्मे सुर-वरत्तणं लहिलं । चइऊण दुग्ग-जीवो जाओसि तुमं अजियसेणो ॥ एसा य दुग्गिला तुह सीलमई भारिया समुपन्ना । नाणाराहण-वसओ विसिह-मइ-भायणं जाया ॥ तो जाय-जाईसरणेहिं तेहिं भणियं मुणिंद ! जं तुमए । अक्खायं तं सच्चं तो एवं वागरइ गुरू ॥ जइ देसओ वि परिवालियस्स सीलस्स फलमिणं पत्तं । ता कुणह पयत्तं सव्वओ वि परिपालणे तस्स ॥ तं सव्व-संग-परिहाररूव-दिक्खाइ होइ गहणेण । तेहिं भणियं पसायं काउं तं देहि अम्हाणं ॥ तो दिक्खियाइं दुन्नि वि गुरुणा संवेग-परिगय-मणाई । पालंति जावजीवं अकलंकं सव्वओ सीलं ॥ मरिऊण बंभलोयं गयाइं भुत्तूण तत्थ दिव्व-सुहं । तत्तो चुयाई दुन्नि वि निव्वाण-पयंमि पत्ताई ॥
इति शीले शीलमती-कथा ।
Jain Education International
For Private & Personal Use Only
www.jainelibrary.org
