Page Text
________________
२२८ कुमारपालप्रतिबोधे
[तृतीयः चुल्लगाई । दिट्ठा छुहा-सुसियत्तणेण पण?-मंस-सोणिया फुडोवलखिजमाणअहि-संचया पयड-दीसंत-नसा-जाला गिरि-कंदर-सोयरोयरा खाम-कवोला मिलाण-लोयणा असंसत्त-सीय-वायत्तणेण विच्छाय-काय-च्छविणो विसन्नचित्ता पयाव-चत्ता चत्तारि जणा । अहो !न हुंति एए जक्खा, किं तु रक्खस त्ति भणंतो भणिओ अणेहिं राया-देव ! न जक्खा न रक्खसा अम्हे, किंतु कामंकुराइणो तुह वयंसय त्ति जंपंता पडिया पाएसु । रन्ना वि सम्मं निरुवंतेण उवलक्खिऊण भणिया स-विम्हयं भद्दा! कहं तुम्हाणमेरिसी अवस्था जाया । तेहिं पि कहिओ जहावित्तो वुत्तंतो । हक्कारिऊण रना-अहो! ते बुद्धि-कोसल्लं, अहो ! ते सील-पालण-पयत्तो, अहो ! ते उभय-लोय-भयालोयण-प्पहाणय त्ति सलाहिया सीलमई । वुत्तं च अमिलाण-कुसुम-माला-दंसणेण पयर्ड पि ते सील-माहप्पं असहहंतेण मए चेव इमे पट्टविया, ता न कायव्वो कोवो त्ति खमाविया । तीए वि धम्मं कहिऊण पडिबोहिओ राया। राय-नम्मसचिवा य कराविया सवे पर-दार-निवित्तिं । रन्ना य सक्कारिया सीलमई। गया सहाणं । अन्नया आगओ गंध-गओ व्व कलहेहिं परिगओ समणेहिं चउनाणी दमघोसो आयरियो । गओ तस्स वंदणत्थं समं सीलमईए अजियसेणो । वंदिऊण गुरुं निविट्टो पुरओ । भणिया गुरुणा सीलमई-भद्दे ! धन्ना तुमं पुव्व-भवन्भासाओ चेव ते सील-परिपालण-पयत्तो । मंतिणा वुत्तं-भयवं ! कहमेयं ति ? वागरियं गुरुणा-कुसमउरे नयरे कुसलाणुद्वाणलालसो पाव-कम्म-करणालसो सुलसो सावओ । तस्स सुजसा भजा ताण धरे पयइ-भद्दओ दुग्गओ कम्मयरो। दुग्गिला से घरिणी । कयाइ सुजसाए समं गया दुग्गिला साहुणीणं सयासं । कया सुजसाए तत्थ सवित्थरं पुत्थयपूया पसत्थ-वत्थ-कुसुमाईहिं । वंदिया चंदणा पवत्तिणी। विहीयं उववास-पच्चक्खाणं । पणमिऊण पुच्छिया दुग्गिलाए पवत्तिणी-भयवइ ! किमत्र एवं ? भणियं भयवईए-अज सिय-पंचमी सुय-तिहि त्ति सा जिण-मए समक्खाया। एयाइ नाण-पूया तवो य जह-सत्ति कायव्वो।
इह पुत्थयाई जे वत्थ-गंध-कुसुमुच्चएहिं अचंति । ढोयंति ताण पुरओ नेवजं दीवयं दिति ॥ सत्तीए कुणंति तवं ते हुंति विसुद्ध-बुद्धि-संपन्ना । सोहग्गाइ-गुणड्डा सव्वन्नु-पयं च पावंति ॥ तो दुग्गिलाइ वुत्तं धन्ना मह सामिणी इमा सुजसा ।
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |