Page Text
________________
प्रस्तावः] शीलव्रतपालने शीलवतीदृष्टान्तः ।
२२७ भणिया नम्म-मंतिणे-किं नागओ असोगो? । तेहिं वुत्तं नयाणीयइ कारणं । रइकेलिणा वुत्तं देह ममाएसं जेणाहं साहेमि सिग्धं चेव चिंतियत्थं । रन्ना बहु-व्वं अप्पिऊण विसजिओ सो। आगओ नयरे । सो वि लक्खं दाऊण तहेव निविट्ठो खद्वाए, पडिओ खड्डाए । एवं ललियंगयकामंकुरा वि लक्खं दाऊण पडिया खड्डाए । असोग-कमेण चेव स-सोगा चिट्ठति । अरिमद्दण-नरिंदो वि वसीकाऊण सीहरहं समागओ निय-नयरं । भणिया सीलमई कामंकुराईहिं
जे अप्पणो परस्स य सत्तिं न मुणंति माणवा मूढा। वर-सीलवंति ! जं ते लहंति तं लडमम्हेहिं ॥
ता दिदं तुह माहप्पं, सिट्ठा अम्हे । करेहि पसायं । नीसारेहि एक्कवारं नरयाओ व्व विसमाओ इमाओ अगडाओ । तीए वुत्तं-एवं करिस्सं, जह मह वयणं करेह । तेहिं वुत्तं समाइससु जं कायव्वं । तीए वुत्तं-जयाऽहं एवं होउ त्ति भणेमि, तया तुब्भेहिं पि एवं होउ त्ति वत्तव्वं । पडिवन्नमणेहिं। तीए वुत्तो मंती-निमंतेसु रायाणं । तेण तहेव कयं । आगओ राया । कया पडिवत्ती। तीए य पच्छन्नं कया भोयणाइ-सामग्गी । रन्ना चिंतियं-निमंतिओऽहं ताव न दीसए भोयणोवक्कमो को वि । ता किमेयंति ?। तीए य खड्डाए काऊण कुसुमाईहिं पूर्य, भणियं-भो! भो ! जक्खा ! रसवई सव्वा वि होउ, तेहिं भणियं एवं होउत्ति । तओ आगया रसवई । रन्ना कयं भोयणं । तओ पुव्व-पउणी-कयाई तंबोल-फुल्ल-विलेवण-वत्थाहरणाई ताई च चत्तारि लक्खाई इच्चाई सव्वं पि होउ त्ति तीए जंपिए खड्डागएहिं जंपियं 'एवं होउत्ति । सव्वं दुक्कं समप्पियं रन्नो । चिंतियं रन्ना-अहो ! अउव्वा सिद्धि जं खड्डा-समुट्ठिए वयणेणंतरमेव सव्वं संपन्जा त्ति । विम्हियमणेण पुट्ठा सीलमई-भद्दे ! किमेयमच्छेरयं ? तीए वुत्तं-देव ! मह सिद्धा चिटुंति चत्तारि जक्खा ते सव्वं संपाउंति । रन्ना वुत्तं-समप्पेहि मे जक्खे । तीए वुत्तं देव ! गिण्हेसु । तुट्ठो राया गओ नियावासं। तीए वि ते चच्चिया चंदणेण, अचिया कुसुमेहि, चउसु चुल्लग्गेसु चत्तारि वि खित्ता, सगडेसु आरोविऊण वजंतेहिं तूरेहिं नीया रायभवणं संझाए । पभाए य अज जक्खा भोयणाई दाहिंति त्ति निवारिया रन्ना सूयाराइणो । भोयण-समए य सयं कुसुमाईहिं पूइऊण चुल्लगाई भणियं 'रसवई होउ' चुल्लग-गएहिं वुत्तं 'एवं होउ' त्ति जाव न किं पि होइ, रन्ना विलक्व-वयणेण उग्घाडियाई
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |