________________
२२६
कुमारपालप्रतिबोधे
[तृतीयः .
तो नरवडणा एसो आइहो अप्पिऊण बहु दव्वं । पत्तो य नंदणपुरे सीलवईए गिहासन्ने ॥ गिलइ गरुयं गेहं कंठ-पघोलंत-पंचमुग्गारो । किन्नर-गीयाणुगुणं गायइ गीयं गवक्ख-गओ ॥ पयडिय-उजल वेसो पलोयए साणुराय-दिट्ठीए । निचं पयासए चाय-भोय-दुलल्लियमप्पाणं ॥ एवं बहु-प्पयारे कुणइ वियारे इमो तओ एसा । चिंतइ नूणं मह सील-खलणमिच्छइ इमो काउं ॥ फणि-फण-रयणुक्खणणं व जलण-जालावली-कवलणं व ।
केसरि-केसर-गहणं व दुकरं तं न मुणइ जडो॥ पिच्छामि ताव कोउगं ति विचिंतिऊण पयवा तं पलोइउं । असोगो वि सिद्धं मे समीहियं ति मन्नंतो पट्टवेइ दूई । भणिया तीए सीलमई-भद्दे ! कुसुम व थेव-काल-मणहरं जुब्वणं । ता इमं विसय-सेवणेण सहलं काउं जुत्तं । भत्ता य तुह रन्ना समं गओ। एसो य सुहओ तुमं पत्थेइ । तीए चिंतियं सु-हओ त्ति सुटु-हओ वराओ जो एरिसे पावे पयइ । दूईए भणियं ।
पसयच्छि ! पसीयसु मयण-जलण-जाला-कलाव-संतत्तं । निय-अंग-संगमामय-रसेण निव्ववसु मम गत्तं ॥ सीलमईए वुत्तं-जुत्तमिणं, किं तु पर-पुरिस-संगो। कुल-महिलाण अजुत्तो व्व-पसंग व्व साहूणं ॥ नवरं इमो वि कीरइ जइ लगभइ मग्गियं धणं कहवि । उचिटं पि हु भत्तं भक्विजइ नेह-लोहेण ॥ तीए वुत्तं-मग्गसि कित्तियमित्तं धणं तुमं भद्दे !। सीलमई जंपइ अद्ध-लक्वमिहिं समप्पेउ । गहिऊण अद्ध-लक्खं निसाइ पंचम-दिणे सयं एउ।
जेण अपुव्वं वियरेमि रइ-सुहं तस्स सुहयस्स ॥
तीए य कहियमेयं असोगस्स । तेणावि समप्पियं अद्ध-लक्खं । सीलमईए वि गूढ-ओयरए पच्छन्न-पुरिसेहिं खणाविया खड्डा । ठाविया तीए उवरि वर-वत्स्य-पच्छाइया अवुणिया खट्टा । पंचम-दिण-रयणीए दाऊण अड-लक्खं आगओ असोगो । निविट्ठो खट्टाए । धस त्ति निवडिओ खड्डाए । सीलमई वि दयाए तस्स दिणे दिणे दोर-बद्ध-सरावेण भोयणं देइ । पुन्ने य मासे रन्ना
Jain Education International
For Private & Personal Use Only
www.jainelibrary.org
