Page Text
________________
२२४ कुमारपालप्रतिबोधे
[तृतीयः · भणइ-वच्छे ! सचमेयं ? बहूए जंपियं-किं अलियं जंपिज्जए ताय-पायाणं
पुरओ । अहवा हत्थत्थे कंकणे किं दुप्पणेणं ति निहालेउ ताओ । तओ तत्थेव ठिओ सेट्ठी गहियं निहाणं रयणीए । अहो ! मुत्तिमंती इमा लच्छि त्ति जाय बहु-माणो वहुं रहे आरोविऊण नियत्तो सेट्टी । पत्तो नग्गोहं । पुच्छए वहुंकिं न तुम इमस्स छायाए ठिया ? बहूए अक्खियं-रुख-मूले अहि-दंसाइ. भयं, चिरासणे चोराइ-भवं, हेट्टओ काग-बगाइ-विट्ठा-पडण-भयं, दूर-ट्ठियाणं तु न सव्वमेयं । पुणो पुढे सेट्टिणा सूरमुद्दिस्स-अत्थि ताव कुटिओ त्ति तए जंपियस्स को परमत्थो ? तीए वुत्तं-नहि कुहिओ त्ति सूरो, किंतु पढमं जो न पहरइ । नगरं दद्दूण सेटिणा वुत्तं-कहमेयमुव्वसं ? तीए वुत्तं-जत्थ नत्थि सयणो सागय-पडिवत्ति-कारओ तं कहं वसिमं । खेत्तं दट्टण सेट्टिणा पुढे-कहमेयं खलु ति ? तीए वुत्तं-ववहरगाओ दव्वं वुट्टीए कहिऊण खेत्तसामिणा खडं ति खद्धं । नई ट्रुण भणियं सेटिणा-किं तए नईए पाणहाओ न मुकाओ ? तीए जंपियं-जल-मज्झे कीड-कंटगाइ न दीसइ त्ति । पत्तो गिहं सेट्ठी । दसियाई तीए महि-निहित्ताहरणाई । तुट्टेण सेटिणा भजाए सुयस्स सव्वं कहिऊण कथा सा घर-सामिणी ।
अह जीवियस्स तरलत्तणेण पंचत्तमुवगओ सेट्ठी। निहणं गया सहयरी सिरी वि छाय व्व तश्विरहे ॥
अजियसेणो वि जि-धम्म-परो कालं बोलेइ । अन्नया अरिमद्दण-नरिंदो एगूण-पंच-सयाणं मंतीणं पहाणं मंतिं मग्गेमाणो नायरए पत्तेयं पुच्छइभो ! भो ! जो मं पाएग पहणइ तस्स किं कीरइ ? ते वि अविनाय-परमत्था जंपति-देव ! किमन्नं तारोरो निग्गहो कीरह। पुच्छिओ अजियसेणो । तेण वुत्तं-परिभाविऊण कहिस्सं । गिहागएण पुच्छिया तस्सुत्तरं सीलवई । तीए चउव्विह-बुद्धि-जुत्ताए जंपियं जहा-तस्स महंतो सक्कारो कीरइ । भत्तुणा भणियं-कहमेयं ? तीए तुत्तं-वल्लहाए विणा नत्थि अन्नस्स रायाणं पाएण पहणेमि त्ति चिंतिउं पि जोग्गया, किं पुण पहणिउं । तओ गओ सो रायसहाए, कहियं पुव्वुत्तं । तुट्ठो राया । कओ अणेण सव्व-मंतीण सिरोमणी सो। अन्नया रन्नो विउत्थिओ सीहरहो पचंतो राया । तस्सोवरिं चलंत-मयगल-मय-जलासार-सित्त-महि-यलो तरल-तुरय-खुरुक्खय-खोणि-रेणु-घणपडल-पूरिय-नहंगणो संचरंत-रह-धवल-धयवडाया-वलाय-पंति-मणोहरो गहिखजिराउज-गजि-जजरिय-बंभंड-भंडोयरो नव-पाउसु व्व चलिओ राया।
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |