________________
२१६
कुमारपालप्रतिबोधे
[तृतीयः
तह तुम्ह सुर-सुहेहिं अच्छिन्ना छिजिही न रजेण। अक्खय-सुक्व-निमित्तं ता जुजइ संजमो काउं॥ इय धम्म-देसणं ते सुणिऊण समुल्लसंत-संवेगा। गिण्हंति पहु-समीवे अट्ठाणवई वि पव्वजं ॥ तं दद्दण चमक्किय-मणेहिं दूएहिं कहिय-वुत्तंतो। भरहो तेसिं गुत्ते निवेसए तेसु रजेसु ॥ भरहो सहा-निसन्नो मुसेण-सेणाहिवेण विन्नत्तो। जिणि पि दिसा-चकं चक्कं पविसइन देव ! पुरिं ॥ भरहो जंपइ अन्ज वि अणिजिओ अत्थि को वि किं वीरो। भणइ अमच्चो तुमए न को वि अजिओ जए अस्थि ॥ किं तु कणिट्ठो भाया तुज्झ सुणंदाइ नंदणो अस्थि । बाहुबलि त्ति पसिद्धो विवक्ख-बल-दलण-बाहु-बलो॥ तुमए अणिजिओ सो तेण न पविसइ पुरीइ चक्कमिणं । ता हक्कारण-हे पेसिजउ झत्ति से दूओ॥ भत्तो व अभतो वा सो तुम्हं देव ! नजए जेण । तत्तो सुवेग-नामा दूओ भरहेण पट्टविओ॥ गंतूण तेण वयणेहिं कोमलेहिं च निटुरेहिं च । चिर-दसणूसुय-मणं पेच्छसु भरहं ति संलत्तो ॥ दय-वयणं न मन्नइ बाहुबली पबल-बाहु-बल-दप्पो। तं विग्गहिउं भरहो चलिओ चउरंग-बल-कलिओ॥ तं सोउं बाहुबली वि पत्थिओ पत्थिवोह-परियरिओ। मिलिया विमुक्क-मेरा ते पुव्वावर-समुद्द व्व ॥ सुर-सिद्ध-जक्ख-विजाहरेहिं रुद्धं नहंगणं सयलं । जायं जयं स-कंपं अकाल-कप्पंत-संकाए ॥ तं असमंजसमालोइऊण तियसेहिं दो वि संलत्ता।। तिहुयण-पहुणो रिसहस्स नंदणा उत्तमा तुम्हे ॥ ता उत्तमेण जुज्झह जुद्धेण जण-खयं कुणह किमिमं । पर-उवयार-परो चिय जम्हा गरुयाण आरंभो ॥ तत्तो सुर-वयणाओ उत्तम-जुद्धेण दोवि जुज्झति । तियसा तह रायाणो ताण ठिया सक्खिणो सव्वे ॥
Jain Education International
For Private & Personal Use Only
www.jainelibrary.org
