________________
प्रस्तावः]
राजपिण्डे भरतचक्रि-कथा । पुरिसा भणंति देवस्स अस्थि सकस्स व समग्गं ॥ नवरं विसय-विरत्ता पहु-पासे आइमे समोसरणे। पव्वजं गिण्हती देवेण निवारिया एसा ॥ तप्पभिइ कुणइ आयंबिलाइं भरहेण पुच्छिया तत्तो । दिक्खं घेत्तुं वंछसि तुमं ति ?, एवं ति सा भणइ ॥ भरहेण अणुन्नाया सा दिक्खं गिण्हए पहु-समीवे । तत्तो सहोयराणं दया भरहेण पट्टविया ॥ जह रज काउमणा तुम्भे ता कुणह भरह-पय-सेवं । एवं भणिया दूएहिं ते वि मिलिऊण मंतंति ॥ अम्हाणं भरहस्स य रजं ताएण बिभइउ दिन्नं । भरहो पुण दुप्प-वसा अम्हे कारवइ निय-सेवं ॥ ता किं तं सेवामो किं वा जुडेण तं निराकरिमो। इय पुच्छिऊण सामि जं जुत्तं तं करीहामो ॥ इत्थंतरंमि सामी अट्ठावय-पव्वए समोसरिओ। गंतूण इमे तं पणमिऊण पुच्छंति पुव्वुत्तं ॥ भयवं जंपइ सेवह एकं सिव-सुक्ख-साहगं धम्मं । इंदिय-सुहडे तइलुक्क-दुजए जिणह जुज्झेण ॥ किं च पुरा न नियत्ता जा तण्हा तुम्ह तियस-सुक्खेहिं । अंगार-कारगस्स व नियत्तिही नर-सुहेहिं न सा॥ अंगार-कएऽरन्ने कोवि गओ सलिल-दिइ-पुडं वेत्तुं । अंगारानल-तवणायवेहिं से वड्डिया तण्हा ॥ सो पियइ दिइ-पुड-जलं सव्वं तेण वि अतुट-तण्हो सो। सुत्तो सुविणे गिह-गय-गग्गरि-नंदा-जलं पियइ ॥ तो वावी-कूव-तडाग-सरि-समुदाण पाणियं पाउँ । निवइ सो समग्गं तह विन से तुट्टए तण्हा ॥ तो मरु-कूवे पत्तो तण-पूलं रज्जुबद्धमंबु-कए। सो खिवइ कड्डिउं तं निच्चोयइ दूर-गलिय-जलं ॥ सरि-सायर-पमुहाणं विउलेहिं जलेहिं जा न हु नियत्ता । सा किं पूल-जलेणं तुच्छेण नियत्तए तण्हा ॥
Jain Education International
For Private & Personal Use Only
www.jainelibrary.org
