Page Text
________________
२०९
प्रस्तावः ] सान्तरदाने कृतपुण्यकथानकम ।
२०९ थेरीइ कया कयउन्नयस्स अद्धाण-कप्प-संजत्ती। लक्खियमिणं वहूए इमंमि निब्भर-सिणेहाए ॥ तो संबलस्स मज्झे वहुगाए रयण-मोयगा छूढा । सुह-सुत्तो उक्खिवित्रं सो मुक्को तंमि देवउले ॥ तम्मि दिणे सो सत्थो समागओ कम्म-धम्म-जोगेण । वुत्तंतमिमं मुणिउं संपत्ता तत्थ से घरिणी ॥ दिहो तीइ विउडो सो सत्थाओ त्ति हरिसिया एसा । घेत्तूण संबलं भारियाए निय-मंदिरं नीओ॥ पुत्तो पिउस्स पाएमु पाडिओ मोयगो य से दिन्नो। तं खायंतेणं तेणं तस्स मज्झे मणी दिट्ठो॥ सो तेण लड्डयारस्स अप्पिओ देसु लड्डए निचं । इय भणिउं भजाए मोयगे भिंदमाणीए ॥ दिवाणि पवर-रयणाणि तेसु अह पुच्छिओ पई एयं ।
किं इत्तियाणि एयाणि ? इत्तियाणि त्ति तेणुत्तं ॥ तओ गरुय-सिणेह त्ति सुमरिया पुणभू । कओ रयणाण विणिओगो वित्थरिओ विहवो । अन्नया रन्नो सेणियस्स सेयणग-हत्थी गहिओ तंतुगेण । जलकंतेण मुच्चइ त्ति भणियं अभयेण, जो तं जलकंतं समप्पइ तस्स राया नियधूयं देइ त्ति भमाडिओ पडहो । आणिओ सोलड्डयारेण । खित्तो जले। तस्सालोएण थलं ति मन्नंतो पणट्ठो तंतुगो। उवडिओ लड्डुयारो राय-कन्ना विवाहत्थं, लजिओ राया। किमित्थ जुत्तं ति पुच्छिओ अभओ। अभएण भणियं, नाधनस्स रयणाणि त्ति मूल-सुद्धी किजउ । रन्ना पुच्छि ओ लड्डयारो, कुओ ते रयणमेयं ? निब्बंधे तेण कहियं, कयउन्न-पुत्तेण मे अप्पियं ति। जुज्जइ इमं ति वुत्तूण रन्ना दिना कन्ना कयउन्नस्स । वत्तो महाविच्छडण विवाहो। अभएण सह संपन्ना पीई। भणिओ अभओ कयाइ कयउन्नेण--भो ! बुद्धिमंतो तुमं, अत्थि य ममेत्थ पुणभू महिला दुवे दारया य, ता तं लहाहि । अभएण भणियंएवं । कारियं नगर-बाहिं देवउलं, तत्थ कया कय उन्न-सरिसी जक्ख-पडिमा । घोसावियं नगरे-पुज्जेह चिंतियत्थ-संपाडण-दक्खं जक्खं ति । निग्गओ लोगो तप्पूयणत्थं । दु-दुवारं च तं देवउलं । एगेण पविसइ लोगो, अन्नेण नीहरइ । गवक्ख-गओ अभएण सह ठिओ कयउन्नो । आगया तत्थ दारगेहिं सह
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |