Page Text
________________
सान्तरदाने कृतपुण्यकथानकम् ।
सो तेहि सह भमंतो देवउलाराम पमुह - ठाणेसु । काम-घरिणी - सरिच्छं कामलयं पिच्छए गणियं ॥ किं एसा तियस वहू स- कोव - सुर-नाह - साव-पन्भट्ठा । पत्ता मणुस्स-लोयं ति चिंतए जाव कयन्नो || अन्भुट्टिऊण भणिओ सो तीए कमल -मगहर - मुहीए । काऊण पसायमलंकरेसु चलणेहिं मह गे ं ॥
तं सोउं मुड-मणो कामलयाए गिहं पविडो सो ।
तीए कला-कुसलाए विविह विणोएहिं अक्खित्तो ॥
पवतो तीए सह भोगे भुंजिरं । सिट्टिणो कहिऊण वृत्तंतं गया स-हाणं मित्ता । सिट्टिणा भणिओ भंडारिओ, जं किंचि मग्गए दव्वं मे वच्छो तं तए पेसियव्वं । अक्काए वि कयन्नय कराओ गहिया नाम मुद्दा । तं अप्पिऊण चेडीए आणावए अक्का भंडारिय-पासाओ मणोरहाइरित्तं वित्तं । सुह-सागरावगाढस वीसरिय-सयण- सिणेहस्स तस्स अइकंता बारस वरिसा । मया मायापियरो | अणायगो विणट्ठो विहवो । तहावि संवच्छरं जाव संवाहियं सेवागरणं रूववईए । अन्नदियहे पेसियं तीए नियाभरणेहिं सह पुन्न चत्तयं । झीणो विहवो त्ति लक्खिअं अक्काए । पडिपेसियं आहरणेहिं सह दीणार - सहस्सं । अन्न- दि अक्काए भणिया कामलया, धोय-कुंसुंभ- सरिसो कओ एसो । ता किं इहि अणेण ? तीए वृत्तं म मा एवं भण । दिन्नं इमिणा मणोरहाइरित्तं वित्तं । अक्काए वुक्तं
जं दिनं तं गहियं इण्हिं से नत्थि तेण नीणेमो । अम्ह इमो कुलधम्मो तं वच्छे ! मा अइकमसु ॥ कामलया वृत्तं अम्मो ! अम्हाण एस कुल-धम्मो । गणियाण पहाणाण उ अईव लज्जाकरं एवं ॥ अन्नं च पुणो दाही एसो च्चिय चिंतियं धणं समए । ता दु-चितिएण अयस निमित्तेण अलमिमिणा ॥
प्रस्ताव: ]
एयं सोऊण ठिया तुहिका अक्का । चिंतिय अणाए, अचंत-रत्ता इमंमि मे धूया । ता परिहवज्जओ एसो, जेण संयंचिय बच्चइ । पारदो पराभवो । afrat aur निग्गओ तग्गेहाओ । आगओ स-गिहं । दिहं तं सडियपडियं । पुच्छिया रुववई किमेयं ति ? | साहिओ तीए सव्वो वृत्तंतो । सोगाउन्नो कउन्नो जंपिडं पवत्तो
Jain Education International
२०७
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |