________________
प्रस्तावः] दाने कुरुचन्द्रकथानकम् ।
२०१ मा कुणसु साहसमिणं ति जंपमाणो असोगमारुहिउं । छिंदेह तस्स पासं ककिल्लि-तले तमाणेइ ॥ जंपइ भो ! भो ! तुमए किमेवमागिइ-विरुद्धमारडं ? । सो भणइ आगिईए किमिमीए दुक्ख-बहुलाए ॥ निय-वइयरं च साहइ, अह पुरिसो जंपए जइ वि एवं । तहवि न जुज्जइ एवं पुरिसस्स विवेगिणो मरणं ॥ किंतु उवाओ जुत्तो अत्थि य सो इत्थ दुग-परिन्नाए । जत्थ य नत्थि उवाओ तत्थ वि धुवमणुचियं मरणं ॥ जीवामि दुक्खिओऽहं उवाय-विरहे वि इत्थ वत्थुमि ।
भई लहइ जियंतो जो य मओ सो मओ च्चेय ॥ जओ
कत्तियपुर-वत्थव्वो वणिय-सुओ कामपाल-नामोऽहं । देसाण दंसणत्थं विणिग्गओ जोव्वणुम्मत्तो ॥ पत्तो परिब्भमंतो संखउरं तत्थ संक्ख-जक्खस्स । जत्ताए नीहरिओ जणो अहं पि हु गओ तत्थ ॥ सहकार-वर्णमि मए रइ व्व रूवेण कन्नगा दिट्ठा। तीए वि कमल-दल-विन्भमेहिं नयणेहिं दिट्ठोऽहं ॥ तत्थ ठिओऽहं वाजेण दिहि-पासेहिं तीइ बद्धो व्व । दिन्नं च सही-हत्थेण मज्झ तंबोलमेईए॥ किं काउमेत्थ जुत्तं ति जाव चिंतेमि ताव मत्त-करी । सच्छंदं वियरंतो पत्तो चूयहुमासन्नं ॥ नट्ठो भएण कन्नाइ परियणो कन्नगा उण न नहा। कंपंत-सव्व-गत्तं तं हत्थी जाव गिण्हेइ ॥ ताव मए लउडेणं पच्छिम-भायम्मि आहओ हत्थी। भुयगो व्व पुच्छ-पुट्ठो कन्नं मुत्तूण सो चलिओ ॥ तं वंचिउं मए सा कन्ना घेत्तूण अन्नओ नीया। निब्भय-ठाणे मुक्का मिल्लह सा मं न हियएण ॥
समागओ से परियणो । पसंसिओ अहं तेण । नीया एसा चूय-तरु-तलं। इत्यंतरे समागयं नाग-वरिसं तेण दिसो दिसं पलाणो जणो। तओ न नायं
२६
Jain Education International
For Private & Personal Use Only
www.jainelibrary.org
