Page Text
________________
२०० कुमारपालप्रतिबोधे
[तृतीयः रयणीए चरम-जामे दिह्रो इमीए सुविणो, किलाहं परिणीया वसंतदेवेण । तेणावि सुविणे कयं केसरा-परिणयणं । तुट-चित्ताए केसराए कहिओ सुविणोपियंकराए। इत्थंतरे निय-कज-गयं जंपियं पुरोहिएण-एवं चेव एयं भविस्सइ त्ति इमं सोऊण परितुट्ठाओ दोवि । जंपियं पियंकराए सव्वहा वसंतदेवो तुज्झ भत्तारो त्ति बद्धो सउण-गट्टी केसराए । कहिओ सुविण-वुत्तंतो वसंतदेवस्स । सो वि नियसुविण-संवायाओ सिद्धं समीहियत्थं मन्नंतो पत्तो पमोयं । भणिओ पियंकराए-दिन्नो तुज्झ अप्पा सउण-गंटिं बंधतीए सामिणीए । ता करेसु विवाहसंजुत्तिं । वसंतदेवेण वुत्तं कया चेव विहिणा संजुत्ती । एवं पइ-दिणं पवढमाणाणुरायाण अइकंतो कोइ कालो । अन्नया स-गिह-गएणेव सुओ पंचनंदि-गेहे मंगल-तूर-सहो वसंतदेवेण। किमेयं ति गवेसावियं इमिणा । कहियं कम्म. यरीए जहा दिन्ना केसरा कन्नउज-वत्थव्व-वसुदत्त-सेटि-पुत्तस्स वरदत्तस्स । तन्निमित्तमेयं वद्धावणयं ति । तं सोऊण मुच्छिओ वसंतदेवो। एत्थंतरे आगया पियंकरा आसासिओ तीए, भणियं च-पेसिया अहं केसराए, संदिहें तीए, न तए खेओ कायव्वो, मम चित्तं अजाणतेहिं गुरुहिं पारडमेयं, अहं पुण न पुव्वाणुराग-विसरिसं चिट्ठामि । सव्वहा मम तुमं चेव भत्ता। अन्नहा मरियव्वं । एवं सोऊण परितुट्ठो वसंतदेवो । भणिया अणेण पियंकरा-भद्दे ! एत्थ वइयरे ममावि एस निच्छओ।
गंतुं पियंकराए कहियमिणं केसराइ सा तुट्ठा। ताण विवाहोवायं चितंताणं गया दियहा ॥ तम्मि असंपत्ते चेव जन्न-जत्ता समागया तत्थ । तत्तो वसंतदेवो सुए विवाहो त्ति निसुणेइ ॥ सो दूमिओ मणेणं नयराओ निग्गओ गओ य वणं । चिंतेइ-अहो ! केरिसमसुंदरं विलसियं विहिणो॥ नूणं मह परिणयणे विहिय-पइन्ना गुरुहिं अन्नेण । सा परिणाविजंती करिही जीविय-परिचायं ॥ तीए मरणं निसुणेमि जाव अहमेव ता मरामि त्ति । तो बंधिऊण पासं असोग-रुक्खस्स साहाए ॥ जा उब्बद्धो अप्पा वसंतदेवेण तत्थ उव्वतहिं । बंधु व्व ताव पत्तो को वि नरो तरु-निउंजाओ।
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |