Page Text
________________
प्रस्तावः ]
दाने कुरुचन्द्रकथानकम् ।
१९९
सुविणे चंदो दिट्ठो त्ति कयं कुरुचंदो त्ति ते नामं । एत्थंतरे मया सुधण-धणया समुप्पन्ना वणिय-पुत्ता । एगो कंपिल्लपुरे बीओ कत्तियपुरे । पइट्टावियाई नामाइं एगस्स वसंतदेवो अन्नस्स कामवालो। विवन्ना धणवइ धणेसरा समुपन्ना वणिय-धूयत्ताए एगा संखउरे अन्ना जयंतीए । कयाइं नामाई एगाए महरा अन्नाए केसरा ! कमेण मयण-वियारुव्वणं जोव्वणं संपत्ता ते सव्वे । कयाइ कंपिल्लाओ अत्थोवजणत्थं गओ जयंतीए वसंतदेवो । तत्थ वि चिट्टतेण वसंतदवेण दिट्ठा अट्ठमी-चंद-महेरइ नंदणुजाणे रइ व्व केसरा, तीए वि वसंतदेवो। पुव्व-भवब्भासेण सिणेह-सारं दुण्हं पि मिलिया दिट्ठी । का एस त्ति पुच्छिओ वसंतदेवेण जयंति-वत्थव्वो संजाय-मित्त-भावो पियंकरो नाम वणिय-पुत्तो।
कहियं तेणं एसा धूया सेहिस्स पंचनंदिस्स। भइणी जयंतदेवस्स कन्नगा केसरा नाम ॥ तत्तो वसंतदेवो जयंतदेवेण सह कुणइ मेत्तिं । अन्न दिणे सो नीओ जयंतदेवेण निय-भवणे ॥ दिहा वसंतदेवेण नयण कुमुयाण चंदलेह व्व । अचंती कुसुम-सरं कुसुमेहिं केसरा तत्थ ॥ तीए वसंतदेवो जयंतदेवस्स हत्थ-कमलाओ। कुसुमाइं पडिच्छंतो दिट्ठो गरुयाणुरायाए ॥ इणमणुकूलं सउणं ति दोवि हरिसं गयाइं निय-चित्ते । लक्खेइ धावि-धूया पियंकरा नाम सव्वमिमं ॥ पवरं जयंतदेवो वसंतदेवस्स कुणइ उवयारं । तत्तो पियंकराए पयंपिया केसरा एवं ॥ तुज्झ वि जुज्जइ काउं सुयणस्स इमस्स कावि पडिवत्ती ।
जुगवं लज्जा सब्भस-हरिस-परा केसरा भणइ ॥ पियंकरे ! तुमं चेव जाणसि जंमित्थ उचियं ति। पियंकरा वि भवणुज्जागयस्स तरुस्स पियंगुमंजरीओ ककोलफलाइं च समप्पंती जंपेइ-सुंदर सहत्थारोविय-रुक्ख-समुप्पन्नाइं इमाइं इट्ट-देयाई मह सामिणीए केसराए तुज्झ पेसियाई । इहो अहं ति हरिसिएण गहियाइं ताई वसंतदेवेण । दाऊण नाममुद्दे भणिया एसा, वत्तव्वा तुमए सामिणी, सोहणं कयं । तुमए वहियव्वं सयावि इहाणुरुवं । पियंकराए गंतूण सव्वं कहियं केसराए । परितुट्टा सा हियएण ।
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |