________________
१९८ कुमारपालप्रतिबोधे
[तृतीयः तत्थ कुरुचंद-नामो राया जेणारिणो रणे भग्गा। गुरु-साल-संगएसुं गया वणेसुं न भवणेसु ॥ अह तत्थ समोसरिओ संतिजिणो तस्स वंदण-निमित्तं । सामंत-मंति-कलिओ कुरुचंदो निग्गओ राया ॥ धम्मं सोऊण निवो समए पुच्छइ कयंजली एवं । पुव्व-सुकरण केणं नाह ! मए पावियं रजं? ॥ वत्थ-फल-प्पमुहाई पवराइं पंच पंच वत्थूणि । ढुक्कंति ढोयणे मह पइ-दियहं केण कम्मेण ? ॥ इहाण ताणि दाहं ति चिंतिउं अप्पणा न उवभुंजे । वियरामि न अन्नस्स वि कह भयवं! केण कम्मेणं? ॥ भयवं पि कहइ तुमए रजमिणं साहु-दाणओ पत्तं । तत्तो चिय तह ढुक्कंति ढोयणे पंच-वत्थूणि ॥ ताण अभोगादाणे सुपुन्न-साहारणत्तणं हेऊ । एक्केण न खलु भुज्जइ बहूण साहारणं वत्थु ॥ इहाणं दाहामि त्ति तुज्झ चिंता वि हेउणा तेण । साहुस्स जहा दाणं पुव्वं दिन्नं तह कहेमि ॥ पुरमत्थि भरह-वसुहा-रमणी-मणि-नेउरं सिरिपुरं ति । तत्थ पयईइ भद्दा परप्परं पीइ-संजुत्ता ॥ सुधण-धणवइ-धणेसर-धणया चत्तारि वाणिया मित्ता।
ते अत्थ विढवणत्थं कयाइ चलिया रयण-दीवं ॥ दोणगो तेसिं कम्मयरो संबल-वाहगो य । अन्नया अरन्न-उत्तिन्नेहिं तेहिं खीण-प्पाए पाहेए पडिमा-पडिवन्नो दिट्ठो साहू, चिंतियं च-अहो ! अम्ह पुन्नं उवडियं जं एस पसम-रासि व्व दिहि-गोयरं गओ । ता एयरस किं पि दाणं दाऊण अणुग्गहेमो अत्ताणं । गोयर-समओ य रिसिणो। भणिओ य सुधणाईहिं दोणागो-भद्द दोणाग ! देहि मुणिणो किं पि। तेहिंतो अहिंग-सडाए पडिलाहिओ तेण मुणी । बद्धं महाफलं कम्मं । पत्ता ते रयण-दीवं । तत्थ अत्थं विढविऊण आगया सदेसं । तेणेव पुन्न-वीएण पाविया सव्वया वि ते रिद्धिं । लडुं साइ-जलं एक्कसो वि जीवंति धन्नाई, किंतु मायाविणो धणवइ-धणेसरा ववहरंति सुहुम-मायाए । दोणगो वि अहियं सुद्ध-चित्तो आउक्खए मरिऊण उप्पन्नो गयउर-नयरे दुप्पसहस्स रन्नो सिरिसुंदरीए देवीए पुत्तो तुमं । देवीए
Jain Education International
For Private & Personal Use Only
www.jainelibrary.org
