________________
१९६
कुमारपालप्रतिबोधे
गुरु- धम्मघोस-पासे धम्मं सोऊण संविग्गो ॥ चारित्तं वेत्तुमणो भणिओ जणणीइ वच्छल - मणाए । दुक्करमिणं चरितं तुमं च सुह-लालिओ वच्छ ! ॥ ता जइ ते निव्बंधो, ता थेवं थेवमुज्झ विसय- सुहं । जेण तुह होइ देहं कमेण संजम - वहण - जोग्गं ॥ तो जणणी-वयणेणं दिने दिने सो करेइ संखेवं । भोयण-भूसण- तूली- तंबोल- विलेवणाईणं ॥ इय भोग-निरीहो सो जा अलवणं अंबिलेण भुंजेइ । एक्केण निवसणेणं महीयले केवले सुअइ ॥ संपइ असंसयं चिय संजम भारं पवज्जिही एसो । इय सालिभद्द-चरियं खेय-निमित्तं सुणसु मज्झ ॥ हसिऊण भणइ धन्नो सुयणु ! धुवं कायरो न सो सूरो । जो सहस त्ति न सक्कइ तव -संजम - भारमुक्खिविरं ॥ अह सोमसिरी जंपइ - सो सुकुमालो न कायरो सामि ! | दुक्कर - संजम - जुग्गं सणियं सणियं कुणइ देहं ॥ धनेण पुणो भणियं - किमत्थि धीराण दुक्करं किंपि । जं सो बद्ध-परियरो झत्ति स कज्जं न साहे ॥ तो सोमसिरी परिहास - पेसलं जंपए पुणो धन्नं । जइ दुक्करं न एयं तुम्हे वि न किं कुणह नाह ! ॥ धन्नो जंपइ तुम्भे तिण्णि वि मं भणह जह कुणसु धम्मं । ता किं करेमि न करेमि व त्ति पेच्छह दुयं तुम्हे ॥ ताहि भणियं सहासं जह गिण्हसि संजमं तुमं सामि ! तित्थयर-पाय- मूले अम्हे वि हु तं गहिस्सामो ॥ अह तत्थ समोसरिओ वीरजिणो जणिय-जणमणाणंदो । तस्सागमणं कहियं धन्नस्स निउत्त- पुरिसेण ॥ पुरितुट्ट-मणो धन्नो सिविद्यारूढो महंतरिडीए । भज्जाहि तिहि वि जुत्तो निक्खंतो सामि-नमणत्थं ॥ अह गरुय-विभूईए सुरो व्व मणि-भूसणेहिं सोहंतो । वय - गहणत्थं गेहाओ निग्गओ सालिभद्दो वि ॥ मुत्तूण वाहणाईते दुन्नि वि पविसिउं समोसरणे ।
1
Jain Education International
For Private & Personal Use Only
[ तृतीय:
www.jainelibrary.org
