________________
प्रस्ताव: ]
दाने धन्यकथानकम् ।
ततो सोमसिरीए सहीण कहियं निवइ वयणं ॥ तासिं जणया तुट्ठा तो ताओ दोवि दिति धन्नस्स । राया गुरु- रिद्धीए तिन्नि वि परिणावर धन्नं ॥ गोभद्द - कुसुमपाला कुणंति अत्थ-व्वयं बहुं तत्थ । धन्नो नरिंद-दिने धवल-हरे रमइ ताहि समं ॥ करिरे-तुरय-कणय- कप्पड - पमुहं दिनं बहुं धणं रन्ना । निहिणो गिहे पभूया पाउन्भूया य धन्नस्स ॥ अह गेह - गवक्ख - गओ जणणी-जणए पलोयए धन्नो । मग्गंमि परिभमंते दुत्थावत्थे मलिण-वत्थे ॥ सो भइ नियय-पुरिसे दो वि इमे मह समीवमाणेह । ते विडं दिव्वंय विभूसिए दोवि आणंति ॥ धन्नं दुहुं दुन्नि वि तक्कंट्ठे लग्गिऊण रोयंति । नमिउं सुहासणत्थे सगग्गयं ते भणइ धन्नो ॥ दारिद्दमविद्दाणं नज्जइ आयारमित्तओ तुम्ह | ता कहह कहं तुहं ताय ! तयं तेत्तियं दव्वं ॥ जणओ जंपइ पुन्तय ! तइ भवणाओ विणिग्गए अम्ह । परुस- वयणाओं व्व तवो सव्वो वि खयंगओ विहवो ॥ चोरेहिं को वि हरिओ पलीवणे को वि अग्गिणा दड्ढो । को वि विलुतो रन्ना पुत्तेहिं कयंमि अवराहे ॥ इय तुट्टे सयल-धणे लज्जाए तत्थ वसिउमतरंता । इह अम्हे संपत्ता बाहिं चिट्ठति तुह जेट्ठा || तो पुरिसं पट्टविडं आणीया, सुट्टु न कयमम्हेहिं | खमसु गुणागर - गरुओ तुमं ति धन्नं खमावंति ॥ धन्नो दाऊण धणं अन्न- पुरे ते विसज्जए सब्वे । धन्न - पभावेण इमे पुव्वं व महाधणा जाया ॥ जणणि-जणयाण सव्वं घर-वावारं समप्पिरं धन्नो । तियसो व्व अच्छराहिं पियाहिं सह भुंजए भोए ॥ अन्न- दिणम्मि सुभद्दा रुयमाणा निव्भरं पहवइ धन्नं । धनेण पुच्छिया पंकयच्छि ! रोयसि किमेवंति ? ॥ तीए वृत्तं पिययम ! सहोयरो मज्ज्ञ सालिभहो त्ति ।
Jain Education International
For Private & Personal Use Only
१९५
www.jainelibrary.org
