Page Text
________________
१९४
कुमारपालप्रतिबोधे
[ तृतीय:
सहीओ हुतुं । रायाएसं ते गहिऊण गया स-गिहेसु । कयं इब्भेण रिद्धि-संदभेण धूयाए सुभद्दत्ति नामं, मालागारेण पुण पुष्फवइति । रन्ना निय-कन्नाए रिद्धि-पबंधेण निम्मियं नामं । सोमसिरित्ति अहेसा बढइ सह दोहिवि सहीहिं ॥ तिन्नि वि परोप्परं पीइ - निव्भराओ लहंति तारुन्नं । चिंतंति अ कह अम्हं तिण्हवि एक्को पई होजा ॥ पुष्पवई धन्नं दण वियंभियाणुरायाए । चितियमिणं सुरूवो अहो इमो पुन्नवंतो य ॥
जं इमिणा मह पिउणो गिहागएणं दुमाण कुसुमाई । जायाइँ बयाई जेसिं एक पि नासि पुरा ||
तो तिहं पि अम्ह जुत्तो भत्ता अओ केणावि उवाएण जाणावेमि इमं राय - कन्नाए ति । तओ तीए धन्नाओ कराविया विचित्त-भंगि- संगया कुसुममाला । सा समप्पिया सोमसिरीए । विम्हिय-मणाए भणियमणाए, सहि रयणावलि व विविहरयणालंकिया केण कया एसा ? पुप्फबईए कहियं — सुंदरि ! को वि जवाणो पंचबाणो व्व मणहरो सयल - कला - कुलहरं अम्ह घरे चिट्ठछ । सो निय - कोसल्लेणं विविह भंगीहिं कुसुमाभरणं विरएइ । तेण कया एसा । तन्नामं पि सोऊण सोमसिरीए चिंतियं - तं विणा न मए अन्नो परिणेयव्वो । तओ वाम - करयल-कलिय- कवोला दीहुण्ह-नीसास - विसोसियाहरा परिचत्त- सेसकज्जा तमेव चिंतती चिट्ठइ । परियणाओ मुणियमिणं रन्ना । पेसिऊण पडिहारं हक्कारिओ कुसुमवाल - गेहाओ धन्नो । कय-पणामो निविसिओ उचियासणे । तं सुर- कुमारोवमं दद्दूण चिंतियं रन्ना । ठाणे अणुराओ मम धूयाए । उचियं चेव नागवल्लीए पूग- पायवारोहणं ति । हक्कारिया रन्ना कन्ना, आगया सा तिरिच्छच्छि विच्छोहेहि विच्छुरंती सहा- मंडवं ।
विम्हि - वसेण दुन्नि वि अणमिस- नयणाई पिच्छमाणाई | रूवं परोप्परं ताई अमर-मिहुणं विडंबं ति ॥
भणिओ रन्ना धन्नो कन्ना दिन्ना इमा मए तुज्झ । हरिस-भर- निव्भरेणं धन्त्रेण पडिच्छिया एसा ॥ अह सोमसिरी-पियरं नमिऊण कथंजली भाइ एवं । एवं दुह वि मज्झ सहीणं एसो चिय होइ भत्तारो ॥ रन्ना भणियं रुच्च जइ एवं तुम्ह ता हवउ एवं ।
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |