Page Text
________________
प्रस्तावः] .. दाने धन्यकथानकम् ।
१९१ तं टुं छणकरणो मणोरहो दारयस्स संपन्नो। पुर-परिसरम्मि वच्छे मुत्तुं सो मंदिरं पत्तो ॥ भणिया इमेण माया कुणसु छणं अन्नहा न होमि अहं । तं सोउं सुय-वयणं संभरि पुव्व-रिद्धिं च ॥ मन्नुभर-भरिय-कंठा कलुण-सरं रोविउं पयहा सा । रुन्नं विणा न अन्नं पायं इत्थीण अस्थि बलं ॥ सोऊण रुइय-सई सएज्झियाहिं पयंपिया एसा । किं रोयसि त्ति तीए निय-खेय-निमित्तमक्खायं ॥ जाय-करुणाहिं ताहिं समप्पियं दुद्ध-तंदुल-गुलाई । पुत्त-परिओस-हेउं इमीए तो पायसं रडं ॥ पायस-घय-गुल-कलियं अप्पइ पुत्तस्स भायणं एसा । सो तं पुरओ काउं उण्हं ति पडिक्खए जाव ॥ ताव तव-भूसियंगो जिइंदिओ जिय-परिसहो साहू । भिक्खत्थमागओ तत्थ जंगमो पसम-रासि व्व ॥ दवण दारओ तं चिंतइ हियए अहो ! अहं धन्नो। पुन्निक-निही य अहं जं एसो आगओ साहू॥ तो पायसेण समणो इमिणा पडिलाभिओ पहिडेण । मुणि-दाण-पुन्न-वसओ सुहं मणुस्साउयं बद्धं ॥
सो वि य भुत्तो घय-गुल-संपुन्नं अन्नं परमन्नं । पच्छिम-दिसा-रमणिकन्नपूरे संजाए सूरे भणिओ जणेण-कत्थ तुमए मुक्काइं वच्छख्वाइं ? सो वि सिग्धं गंतूण पुर-परिसरे पयट्टो गवेसिउं । गवेसिऊण जाव नयर-मज्झे पविसेइ ताव ढकियाई नयर-दाराई । दारओ ठिओबाहिं । तस्सेव मुणिणो पासे पाणिवहाइविरमण-पहाणं धम्म-देसणं सुणंतो रयणीए आउक्खएण मओ । समुप्पन्नो तत्थेव नयरे वणिय-भजाए गम्भे । तप्पभिई चेव पवडिओ सो वाणिओ विहवेणं । पसत्य दियहे जाओ जणाणंदयारओ दारओ। तस्स नाहि-नाल-निक्खणण-काले लडं रयण-सुवन्न-पुण्णं महानिहाणं । निव्वत्ते जम्म-महे देव-गुरु-पूयापुव्वं कयं गुण-निप्पन्नं धन्नो त्ति से नामं । समए समप्पिऊण कलायरियस्स सिक्खविओकला-कलावं तस्स चत्तारि जेठा सहोयरा ते तं पइ पओसंकुणंति, भणंति ते जणणि-जणए, किं इमस्स महंतं आयरं कुणह । जंपंति जणणिजणया जारिसो एस बहु-गुणो न तारिसा तुन्भे, अओ इमंमि अम्ह आयरो।
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |