________________
१८९
१८९
प्रस्तावः]
सुपात्रदाने चन्दनवालाकथा। मइ करुणं कुणमाणो परोवयारुजओसि जओ॥ दव्वाइ-भेय-सुद्ध अभिग्गहं जाणिऊण परिपुन्नं । भयवं पसारइ करं तीए कुम्मास भिक्खाए ॥ कयकिचं अप्पाणं मन्नंती चंदणा जिणिंदस्स । निक्खिवइ पाणि-कमले कुम्मासे सुप्प-कोणेण ॥ पुन्नो अभिग्गओ भयवउ त्ति तुट्ठा समागया तियसा । वसुहारा-पमुहाइं कुणंति तो पंच-दिव्वाई॥ कणयमय-नेउराई नियल-ट्ठाणे रयंति ते तीए । पुव्वं व केस-पासं देहं पिहु अमय-सित्तं व ॥ रयणालंकारेहिं सव्वंगं चंदणं अलंकरि। उकिट-नायममरा कुणंति गायंति नचंति ॥ सोऊण दुंदुहि-रवं राया तत्थागओ सयाणीओ। सहिओ मिगावईए नंदाए सह सुगुत्तो य ॥ पत्तो सक्को वि पमोय-
निभरो वीर-जिण-पणमणत्थं । अह दहिवाहण-रायस्स कंचुगी संपुलो नाम ॥ चंपाए आणीओ धाडीइ सयाणीए जो पुव्वं । मुक्को तइया सो तत्थ आगओ वसुमई दटुं॥ तञ्चलणेसु विलग्गो उच्चसरं रुयइ तं रुयावंतो। किं रोयसि त्ति वुत्तो रन्ना सो कंचुगी कहा ॥ दहिवाहणस्स देवीइ धारिणीए सुया वि जं एसा। दासि व्व अन्न-गेहे हा निवसइ तेण रोयामि ॥ तो वागरियं रन्ना धन्नाण सिरोमणी इमा बाला । पडिलाभिओ जिणिंदो संपुन्नाभिग्गहो जीए ॥ भणियं मिगावईए मह देवी धारिणी हवइ बहिणी। तीए धूया एसा निस्संदेहं मम वि धूया ॥ पंच-दिण-ऊण-छम्मास-तव-समत्तीए पारणं काउं । सेही धणावह-गेहाओ निग्गओ वीर-जिण-नाहो ॥ वसुधारं गिण्हंतो लोभ-वसेणं सयाणिओ राया। भणिओ सकेण इमं न एत्थ अन्नस्स सामित्तं ॥ जं रयण-कणग-बुद्धिं वेत्तुं वंछसि तुमं महाराय !।
Jain Education International
For Private & Personal Use Only
www.jainelibrary.org
